Júıeniń bazalyq fýnksıonaly tegin bolady degen mınıstrliktiń málimdemesine qaramastan mektep oqýshylary elektrondy «Kúndelikke» nege aqy tóleıdi? Dál osyndaı saýaldy Keńes Absatırov Premer-Mınıstrdiń orynbasary Erbolat Dosaevqa joldady dep habarlaıdy «Aq jol» Demokratııalyq partııasynyń baspasóz qyzmeti
Áńgime 2016 jyldan beri pılottyq jobaǵa engizilgen sátten beri únemi synǵa ushyrap júrgen «Kúndelik» avtomattandyrylǵan aqparattyq júıesin iske qosý jóninde bolyp otyr. Depýtat 2018 jyldyń mamyr aıynda «Aq jol» fraksııasynyń «Kúndelik» júıesin engizýdiń zańdylyǵy men qaýipsizdigine qatysty depýtattyq saýalyna bergen jaýbynda Bilim jáne ǵylym mınıstri onyń derekteri mınıstrliktiń memleketke tıesili serverinde saqtalady dep túsinikteme bergenin eske salyp ótti. Alaıda sol jyldyń kúzinde «Kúndelik» júıesi «Aqparattandyrý týraly» Zańda qarastyrylǵan aqparattyq qaýipsizdik talaptaryna sáıkestigin anyqtaıtyn synaq rásimderinen ótpegeni anyqtaldy. Sáıkesinshe, ony paıdalanýǵa berý, onyń ústine memlekettik organnyń aqparattyq júıesimen biriktirý merziminen buryn iske qosylǵan.
«2018 jyldyń qańtar aıynda synap kórýdiń oń nátıjesi kórsetilýi tıis Aktisi, tehnıkalyq qujattamany saraptaý jáne aqparattyq qaýipsizdik talaptaryna sáıkestik Attestaty bolmaı jatyp memlekettik-jeke menshik áriptestik týraly Kelisimshart qalaısha jasalǵan?» - degen aqjoldyqtar saýal qoıa otyryp, kelesi máselege nazar aýdardy.
«Kúndelikti» ázirleýshiler men Bilim jáne ǵylym mınıstrliginiń ókilderi bir emes, birneshe márte júıeniń bazalyq fýnksıonaly úshin mektep oqýshylary men onyń ata-analarynan eshqandaı aqy alynbaıdy dep málimdegen bolatyn.
Sondyqtan da atalǵan resýrsty qoldanýdy shyn máninde májbúrlep mindetteýge jáne mobıldi qurylǵy arqyly «Kúndelik» júıesinde kórsetiletin qyzmetterdiń basym bóligine qol jetkizý úshin aqy tóleýge qatysty ata-analardyń narazylyq bildirýi ábden túsinikti (aǵymdaǵy jyldan bastap aıyna 299 teńge nemese bir jylǵa 2690 teńge).Sonymen qatar, paıdalanýshynyń ótinishi boıynsha aqyly negizde arnaıy qosymsha júıe múmkindigin qamtamasyz etetin Paıdalanýshy kelisiminiń 2.3 tarmaǵyna qarama-qaıshy kelip, bul eshbir aldyn ala habarlandyrýsyz júrgizilgen. Bul qyzmet aqyly servıstik qyzmet kórsetý týraly Kelisimmen rettelýi tıis edi.
Budan basqa, depýtattardyń pikirinshe, Paıdalanýshylar týraly úshinshi tulǵalarǵa aqparat berýmen baılanysty týyndaıtyn Paıdalanýshy kelisiminiń keıbir tarmaqtarynyń zańdylyǵyna qatysty da máseleler bar. Bul jerde áńgime Konstıtýsııanyń 18-babynda kózdelgen azamattardyń jeke menshik, derbes ómiri jáne otbasylyq qupııalary jóninde bolyp otyr.
Osyǵan baılanysty, «Aq jol» parlamenttik fraksııasy vıse-premerden:
1.Quzyretti organdarǵa «Qazaqstan Respýblıkasyndaǵy «Kúndelik» avtomattandyrylǵan aqparattyq júıesin qurý, engizý jáne ony iske qosýdy qamtamasyz etý» jobasy boıynsha memlekettik-jeke menshik áriptestik kelisimshartyn jasasý kezinde aqparattyq qaýipsizdikti qamtamasyz etý salasyndaǵy zańnamanyń talaptaryn saqtaýyna tekseris júrgizýdi tapsyrý;
2. Salalyq mınıstrlikke «Kúndelik» aqparattyq júıesin qoldanýshylarynyń bazalyq aqparattyq resýrstarǵa, sonyń ishinde mobıldi baılanys qurylǵylaryn paıdalaný arqyly emin-erkin ári tegin qoljetimdilikti qamtamasyz etýdi salalyq mınıstrlikke júkteý;
3. Ádilet mınıstrligine Qazaqstan Respýblıkasy zańnamasynyń talaptaryna sáıkestigin anyqtaý úshin Paıdalanýshy kelisimine saraptama júrgizýdi tapsyrýyn surady.
«Aq jol» QDP jáne onyń parlamenttik fraksııasy saılaýaldy baǵdarlamany júzege asyrý boıynsha jumystardy jalǵastyrýda.