«Eksımbank Qazaqstan» AQ salymshylaryna ótemaqyny «Qazposhta» AQ arqyly tóleıdi

Jeke tulǵalar men dara kásip­kerler – «Eksımbank Qazaqstan» AQ klıentteri «Qazposhta» AQ-qa júginýge jáne «QDKBQ» AQ qarajatynan ótemaqyny alýǵa quqyly. «Eksımbank Qazaq­stan» AQ-taǵy salymdarda, aǵymdaǵy shottarda jáne tólem kartochkalarynda ornalas­tyryl­ǵan aqshalar depozıt boıynsha qaldyq somasynda, biraq kelesi maksımaldy kepildik beril­gen somasynan asyrylmaı óteledi: 

● 10 mıllıon teńge – ulttyq valıýtadaǵy depozıtter boıynsha,

● 5 mıllıon teńge – shetel valıýtasyndaǵy depozıtter boıynsha.

«Eksımbank Qazaqstan» AQ-ta ornalas­ty­rylǵan bir salym­shynyń teńgedegi jáne shetel valıýtasyndaǵy depozıtteri boıynsha 15 mıl­lıon teńgeden aspaıtyn somada jıyntyq kepildik berilgen ótem tólene­di, sonyń ishinde shetel  valıýtasyndaǵy depozıti boıynsha 5 mıllıon teńge ekvıvalentten aspaıdy. 

О́temaqy jınalǵan (ka­pı­t­aldandy­rylǵan) syıaqy­ny eskere otyryp, depozıt bo­ıyn­sha qaldyq soma sheginde ult­tyq valıýtada «QDKBQ» AQ qarajatynan tólenedi. Shetel valıýtasyndaǵy depozıt boıynsha ótemaqy somasyn esepteý úshin «Eksımbank Qazaqstan» AQ-ty májbúrlep taratý týraly sot sheshiminiń zańdy kúshine engen kúnindegi, ıaǵnı 2019 jylǵy 16 qań­tardaǵy naryqtyq valıýta aıyrbastaý baǵamy qoldanylady. 

Salymshylardyń ótinishterin qabyldaý jáne ke­pildik berilgen ótemdi tóleý 2019 jylǵy 

4 aq­­­pannan bastap 4 tamyzǵa deıin «Qazposhta» AQ arqyly tómendegi bes qalada ornalasqan «Qazposhta» AQ-tyń ortalyq operasııalyq ýchaskelerinde (OOÝ) júzege asyrylady: 

● Astana qalasynda: Áýezov kóshesi, 13,

● Almaty qalasynda: Bógenbaı batyr 

kóshesi, 134,

● Qaraǵandy qalasynda: Buhar jyraý 

dańǵyly, 39,

● Pavlodar qalasynda: Sátbaev kóshesi, 50,

● Petropavl qalasynda: Pýshkın kóshesi, 61.

О́tinish berý jáne ótemaqyny alý úshin salymshylar «Qazposhta» AQ OOÝ-ne júginýi kerek, ózderimen birge JSN-nen turatyn jeke kýálik qujaty bolǵany abzal. О́tinish blankisin «Qazposhta» AQ OOÝ-nen alýǵa bolady nemese www.kdif.kz QDKBQ ınternet-resýrsynda «Salymshylarǵa» bólimin­degi elektrondy blankisin júktep alyp, aldyn ala toltyrýǵa bolady. Salymshy­lar­dy sáıkes­ten­dirý jeke sáıkestendirý nómiri (JSN) boıynsha júze­ge asyrylady, sondyqtan «Eksım­bank Qazaqstan» AQ salymshy­larynyń quqyqtaryn rastaý úshin banktik salym sharty nemese kassalyq kiris orderi talap etilmeıdi. 

Depozıtordyń ókili júgin­gen kezde notarıaldy kýálan­dyrylǵan senimhat talap etiledi: «Eksımbank Qazaqstan» AQ-ta ashylǵan depozıtterdi (shottardy) basqarýǵa ókilettiginiń kórsetilýimen jalpy (bas) senim­hatty, sondaı-aq arnaıy nemese rettik senimhatty usynýǵa ruqsat etiledi. Murager júgingen kezde muragerlikke quqyqty nemese mura berýshiniń aqshalaryn paıdalaný quqyǵyn rastaıtyn qujattardy da usyný kerek. Eger senimhat shetel tilin­de jasalǵan bolsa, onda salym­shynyń ókili memlekettik nemese orys tilderine aýdarmasy bekitilgen tártipte notarıaldy kýálandyrylǵan senim­­hatty usynady. Salymshy ókiliniń (mura­gerdiń) de ózimen birge jeke basyn kýálan­dyratyn qujaty bolýy kerek. 

«Eksımbank Qazaqstan» AQ salymshylary ótemaqynyń tóleýin júrgizetin «Qazposhta» AQ OOÝ-niń jumys kestesin, mekenjaıy men telefondaryn www.post.kz Qazposhta ınternet-saıtynda nemese 1499 baılanys ortalyǵy arqyly naqtylaı alady. 

«Qazposhta» AQ arqyly tóleý kezeńi aıaq­talǵannan keıin salymshylar tikeleı «QDKBQ» AQ-qa ótemaqy úshin júginýge quqyly. 

Depozıtinde depozıt boıynsha kepil­diktiń maksımaldy somasynan asatyn aqshasy nemese 2019 jylǵy 16 qańtarǵa esep­telgen (kapıtaldandyrylmaǵan) syıaqy boıynsha talaby bar salymshylar «Eksımbank Qazaqstan» AQ-tyń taratý komıssııasyna júginýi kerek. «Eksımbank Qazaqstan» AQ taratý komıssııasy bas keńsesiniń jáne onyń fılıaldarynyń baılanystary www.kdif.kz «QDKBQ» AQ ınternet-resýrsynda ornalastyrylǵan. 

«QDKBQ» AQ-ta depozıt boıynsha kepildik týraly mamandardyń keńesin 1460 (uıaly jáne qalalyq telefondardan tegin) qysqa nómir arqyly alýǵa bolady.