Úndistan úkimeti 2015 jyly Nepalda bolǵan jer silkinisi áserinen Everestiń bıiktigi ózgerýi múmkin deıdi. Bul týraly BBC News aqparattyq agenttigi jazdy.
Komıssııa tóraǵasy Svarna Sýbba Rao álemniń eń joǵary núktesine ekspedısııa eki aıdan soń attanatynyn aıtty. Gımalaıdyń bıiktigin ólsheýge shamamen bir aıǵa jýyq ýaqyt ketedi dep josparlanǵan.
Ǵalymdar 2015 jylǵy jer silkinisinen soń Everestiń óz deńgeıinen tómendegenin aıtqan bolatyn. 1955 jylǵy ólshem boıynsha shyńnyń bıiktigi - 8848 metrge teń.
Aıta keteıik, 2015 jyly Nepalda 7,8 baldyq jer silkinisi bolyp, 8000-ǵa jýyq adam qaza tapqan-dy.