Májilis Tóraǵasy Nurlan Nyǵmatýlın Aýstrııa Respýblıkasyna alǵash ret resmı saparmen bardy. Bul týraly Parlament Májilisiniń baspasóz qyzmeti habarlady.
Is-sapar barysynda N.Nyǵmatýlınniń Aýstrııa Parlamenti Ulttyq Keńesiniń Tóraǵasy V.Sobotkamen kelissóz júrgizýi josparlanǵan.
Sonymen qatar, Aýstrııa Parlamenti Federaldyq Keńesiniń basshysy I. Appemen, EQYU qazirgi Tóraǵasy M. Laıchakpen jáne EQYU Parlamenttik Assambleıasynyń jetekshisi G. Seretelımen kezdesýleri qarastyrylǵan.
Sondaı-aq, Nurlan Nyǵmat ýlın Eýropadaǵy qaýipsizdik jáne yntymaqtastyq uıymy Parlamenttik Assambleıasynyń qysqy sessııasynda sóz sóıleıdi dep kútilýde. Assambleıa Eýropanyń, Azııanyń jáne Soltústik Amerıkanyń 57 eliniń 300-den astam Parlament ókilderin biriktiredi. Sessııa barysynda Májilis Tóraǵasynyń birqatar ekijaqty kezdesýleri josparlanǵan.