Almaty oblysynyń densaýlyq saqtaý salasyn sıfrlandyrý maqsatynda júzege asqan «Jetisý» medısınalyq aqparattyq júıesi alǵashqy nátıjesin bere bastady.
- Búginde oblystaǵy densaýlyq saqtaý salasyndaǵy barlyq uıymdar «Jetisý» medısınalyq aqparattyq júıesine 100 prosentke qosyldy. Onyń ishinde aýdandyq deńgeıdegi qamtý 69,9 prosentti qurady. Jaqynda Taldyqorǵan qalasynyń jedel járdem stansııasya «Kómek 103» sıfrly júıesine tolyqtaı qosyldy. Bul naýqastardyń shaqyrýyn jedel qabyldap, dárgirelik kómekti ýaqtyly kórsetýge jol ashady, - dedi búgin turǵyndarǵa bergen kezekti esep berýi jıynynda oblys ákimi Amandyq Batalov.
Jalpy, densaýlyq saqtaý salasynda elektrondy formatqa 117 medısınalyq nysan kóshken. Qazir qaǵazsyz qujat aınalymy 53 prosentke deıin kóbeıdi. Esep boıynsha óńir turǵyndarynyń 83 prosentinde elektrondy densaýlyq pasporty bar.
Qalmahanbet MUQAMETQALI,
«Egemen Qazaqstan»
Almaty oblysy