21 aqpanda qalany qardan tazalaýǵa 268 jumysker shyqty, dep habarlaıdy Astana qalasy ákimdiginiń resmı saıty.
Qalany qardan tazalaýǵa mamandandyrylǵan tehnıkanyń 706 birligi jumyldyryldy. «Qala syrtyna shyǵarylǵan qardyń jalpy kólemi 43 846 tekshe metrdi quraıdy. «Astana Tazalyq» qala syrtyna qardyń 16 533, ózge mekemeler 26 507, «Astana kógaldandyrý qurylysy» 806 tekshe metrin shyǵardy», - delingen «Astana Tazalyq» JShS kompanııasynyń habarlamasynda.
16 qazan men 21 aqpan aralyǵynda shyǵarylǵan qardyń jalpy kólemi 2 118 114 tekshe metrdi quraıdy. Bir táýlikte qum-tuz aralas qospanyń 380,5, al 13 qazan men 18 aqpan aralyǵynda 22 492 tekshe metri sebildi. 21 qarashadan búginge deıin kóktaıǵaqqa qarsy reagenttiń 478,16 tonnasy shashyldy.
Astana ákimdigi turǵyn úı-kommýnaldyq sharýashylyǵyna qatysty barlyq suraqtardy 109 nómiri boıynsha qalalyq iKomek monıtorıng jáne jedel áreket etý ortalyǵynyń call-ortalyǵyna táýlik boıy joldaýǵa bolatyndyǵyn eske salady.