Senbi, 30 maýsym 2012 7:45
Erteń Astanada otandyq neırohırýrgterdiń II sezi óz jumysyn bastamaq. Sezge óz mamandarymyzben qatar shetelden, ıaǵnı, Reseı, Ýkraına, Germanııa, Fransııa, Shveısarııa, Vengrııa, Belgııa, Qytaı, t.b memleketterden de tájirıbeli neırohırýrgter shaqyrylǵan bolatyn. Olardyń aldy Astanaǵa at basyn tiregeli úsh-tórt kún bolyp qaldy. Sheteldik dárigerler ortalyqtyń mamandarymen birlesip otalar jasap, sheberlik synyptaryn ótkizýde. Biz solardyń biri Meıo klınıkasynyń (Germanııa) bólimshe meńgerýshisi Zıgfrıd Fogelmen az-kem tildesken bolatynbyz.
Senbi, 30 maýsym 2012 7:45
Erteń Astanada otandyq neırohırýrgterdiń II sezi óz jumysyn bastamaq. Sezge óz mamandarymyzben qatar shetelden, ıaǵnı, Reseı, Ýkraına, Germanııa, Fransııa, Shveısarııa, Vengrııa, Belgııa, Qytaı, t.b memleketterden de tájirıbeli neırohırýrgter shaqyrylǵan bolatyn. Olardyń aldy Astanaǵa at basyn tiregeli úsh-tórt kún bolyp qaldy. Sheteldik dárigerler ortalyqtyń mamandarymen birlesip otalar jasap, sheberlik synyptaryn ótkizýde. Biz solardyń biri Meıo klınıkasynyń (Germanııa) bólimshe meńgerýshisi Zıgfrıd Fogelmen az-kem tildesken bolatynbyz.
– Neırohırýrgııa ǵylymı-zertteý ortalyǵy jáne osyndaǵy mamandar týraly ne aıtar edińiz?
– Qazirgi ýaqytta men ortalyqtyń jumysymen egjeı-tegjeıli tanysyp jatyrmyn. Munda bilikti mamandar jumys isteıdi. Barlyq jaǵdaı jasalǵan jerde jumys isteýdiń óz rahaty bolatyn bolsa, maǵan da osy ortalyqta jumys isteý sondaı qýanysh syılaıdy. Keshe alǵashqy otamdy jasadym. Bári sátti ótti dep jatyr. О́z elimde, óz úıimde júrgendeımin.
– Sizdiń oıyńyzsha, ortalyqtyń tehnıkalyq qamtamasyz etilýi qaı deńgeıde?
– Tehnıkalyq qural-jabdyqtarmen qamtamasyz etilý deńgeıi Batys memleketterindegi klınıkalarmen birdeı. Sondaı-aq, emdik jáne dıagnostıkalyq tehnologııalar da bir deńgeıde dep aıtýǵa bolady.
– Qazaqstandaǵy neırohırýrgııanyń damýy týraly oıyńyzdy bildirseńiz?
– Osyndaı az ǵana ýaqytta Qazaqstan batys elderindegi deńgeıge qalaı jetti dep tańqaldym.
– Siz úshin osyndaǵy qandaı jaǵdaı tańsyq bolyp kórindi?
– Bul ortalyqta balalar neırohırýrgııasy bólimshesi bar eken. Sondaı-aq balalardy neıroońaltý bólimshesi de jumys istep tur. Maǵan balalar neırohırýrgııasy bólimshesi qatty unady.
– Sizdiń oıyńyzsha osy ortalyqta keleshekte taǵy qandaı kúrdeli otalar jasalýy múmkin?
– Kúrdeli otalardyń túri kóp. Ony bul ortalyq jasap ta jatyr. Osy deńgeı arqyly damyǵan memleketterdegi klınıkalarmen áriptestik qarym-qatynas ornatýǵa ábden bolady dep esepteımin. Men ózim neıroonkolog bolǵandyqtan, ortalyq jumysymen tanysý barysynda mıdaǵy isikti emdeýge baılanysty áriptestiktiń bereri kóp dep oılaımyn.
Aıgúl SEIILOVA,
«Egemen Qazaqstan».