2019 jyldyń 21 aqpanynda Astana ýaqytymen 22 saǵat 47 mınýtta «Baıqońyr» ǵarysh aılaǵynyń 31 alańynan «Egyptsat-A» ǵarysh apparatymen «Soıýz-2.1b» tasyǵysh-zymyrany ushyryldy. Ushyrylý shtatty rejımde ótti.
Egıpttik «Egyptsat-A» Jerdi qashyqtyqtan zondtaý spýtnıgi joǵarǵy keńistiktik ruqsaty bar zamanaýı optıkalyq-elektrondyq apparatýramen jabdyqtalǵan. Ǵarysh apparaty panhromatıkalyq (qara-aq) jáne mýltıspektrlik dıapazondarda kórinetin jáne ınfraqyzyl spektrlerde túsirýdi júrgize alady.
Eń kóp sholý jolaǵy 1400 kılometrdi quraıdy.
«Egyptsat-A» ǴA «S.P. Korolev atyndaǵy «Energııa» Ǵaryshtyq-zymyrandyq korporasııasy» JAQ-men Egıpet Arab Respýblıkasy Úkimetiniń múddesinde qurylǵan. Ushý synaqtary baǵdarlamasyn oryndaǵannan keıin spýtnık Egıpet tarapyna basqarýǵa beriletin bolady.
Spýtnıktiń salmaǵy bir tonnaǵa jýyq. Ol 500-den 800 kılometr bıiktiktegi orbıtaǵa shyǵarylady, onda keminde 11 jyl jumys isteýi tıis.
Tasyǵysh-zymyrannyń ushý trassasy Baıqońyr ǵarysh aılaǵynyń soltústik baǵytynda, Qazaqstan aýmaǵynyń – Aqtóbe jáne Qostanaı oblystary jáne Reseıdiń Oral óńiri ústinen ótedi.