2019 jylǵy 21 aqpanda Qazaqstan Respýblıkasy Indýstrııa jáne ınfraqurylymdyq damý mınıstrliginiń Indýstrııalyq damý jáne ónerkásiptik qaýipsizdik komıtetiniń Alqa májilisi ótti. Onda komıtettiń 2019 jylǵa arnalǵan negizgi mindetteri tyńdaldy.
2018 jyldyń qorytyndysy boıynsha Komıtet jetekshilik etetin barlyq ónerkásip salalary boıynsha ónerkásip óndirisi kóleminiń ósimi baıqalady. Taý-ken sektorynda temir kenin óndirý kólemi 6,5%, tústi metaldardy óndirý kólemi 4,3%, kómir men lıgnıt óndirý 2,5% ósti.
«О́ńdeý ónerkásibinde metallýrgııada ósim 2,2% (sonyń ishinde tústi metallýrgııada 5,4%), mashına jasaýda 14,4%(mashına jasaý salalarynyń arasyndaǵy eń úlken ósý dınamıkasy avtomobıl jasaýda (40,4%) jáne elektrotehnıkalyq mashına jasaýda (33,4%)) hımııa ónerkásibinde 8,1%, qurylys materıaldarynda 0,2%, farmasevtıkada 0,9%, jeńil ónerkásipte 4,4%, rezeńke jáne plastmassa buıymdarynda 3,1%, qaǵazda 4,9%, jıhaz óndirisinde 1,3% ósim boldy», - dedi alqa májilisi barysynda komıtet tóraǵasynyń orynbasary Qanat Baıtov.
Komıtet júrgizgen júıeli, sondaı-aq onyń qyzmetiniń barlyq salalary boıynsha naqty jumystar týraly aıtyldy. Atap aıtqanda, ónerkásip salalaryn damytý, ónerkásipti sıfrlandyrý (taý-ken metallýrgııa kesheni, kómir ónerkásibi, mashına jasaý, hımııa jáne farmasevtıka ónerkásibi, qurylys ındýstrııasy jáne aǵash óńdeý ónerkásibi, jeńil ónerkásip), jergilikti qamtýdy damytý, ónerkásiptik qaýipsizdik, energııa únemdeý jáne energııa tıimdiligin arttyrý, eksporttyq baqylaý jáne lısenzııalaý, halyqaralyq yntymaqtastyq (sonyń ishinde OESR, EAEO jáne DSU), ınvestısııalyq jobalardy iske asyrý monıtorıngi, AEA jáne ındýstrııalyq aımaqtardy damytý máseleleri bar.
Alqa májilisi aıasynda vedomstvolyq baǵynysty kásiporyndardyń jumys qorytyndylary jáne 2019 jylǵa arnalǵan josparlar tyńdaldy. Olardyń qatarynda «Elektr energetıkasy jáne energııa únemdeý ınstıtýty (Qazaqenergııasaraptama)», «Infeksııaǵa qarsy preparattardyń ulttyq ortalyǵy» AQ, «Mıneraldy shıkizatty keshendi qaıta óńdeý jónindegi ulttyq ortalyq» RMK jáne Qazaqstan Respýblıkasy Indýstrııa jáne ınfraqurylymdyq damý mınıstrliginiń Indýstrııalyq damý jáne ónerkásiptik qaýipsizdik komıtetiniń Qaraǵandy oblysy boıynsha aýmaqtyq departamenti bar.
2019 jyly ındýstrııa men ónerkásipti odan ári damytý maqsatynda komıtet jobalardy iske asyrýdy jáne júıelik sharalardyń sheshimderin qamtıtyn keshendi damý josparlaryn jáne Jol kartalaryn ázirleıtin bolady.