Statıstıkalyq málimetterdiń esebi boıynsha, 2043 jyldan bastap zeınetkerlikke shyǵý úshin qaǵaz eńbek kitapshasynan bas tartý múmkindigi bar. Zeınetkerlikti rásimdeý BJZQ málimetteri boıynsha júrgiziledi.
Oǵan deıin 1998 jylǵa deıingi eńbek ótili bar adamdar zeınetkerlikke shyǵady. Osylaısha, eńbek kitapshasynda kórsetilgen eńbek ótili aqshalaı zeınetaqy aýdarymdarymen shamalasady. Munymen birge, Eńbek jáne halyqty áleýmettik qorǵaý mınıstrligi elektrondy eńbek kitapshasyn jáne elektrondy eńbek kelisim-sharttaryn engizý pılotty jobasyn júzege asyrýda. Búgingi kúni biryńǵaı elektrondy júıege 400 myń eńbek kelisim-sharty tirkeldi. Barlyq qajetti talaptardy saqtaǵan jaǵdaıda, endigi zańmen negizgi kadrlyq qujattardy elektrondy túrde júrgizýge, onyń qaǵaz túrin jasamaýǵa múmkindik berip otyr.
E-HR júıesine tirkelgen jumys berýshiler, oǵan óz qyzmetkerlerin tirkeıdi, sondaı-aq jumysshysynyń osy uıymda jumys istegenge deıingi eńbek ótili jaıynda aqparatty engizedi.
Vıse-mınıstr atap ótkendeı, eńbek kitapshasynda kórsetilgen 1998 jylǵa deıingi eńbek ótili, BJZQ aýdarymdarymen jáne jumys berýshiniń BSN –men salystyrylady.
«Bul jańashyldyqty taıaý jyldary engizgimiz kelip otyr, sebebi 2020 jylǵa deıin zeınetaqyny avtomatty túrde taǵaıyndaǵandy jón kórip otyrmyz. Eger jumys berýshiler bizdi qoldasa, tipti jaqsy bolar edi», - dedi Narıman Muqyshev.