Shákárim ýnıversıtetinde «Egemen Qazaqstan» gazetiniń 100 jyldyǵyna oraı «World of Egemen Kazakhstan» aqparattyq-ıntellektýaldy onlaın-smart buryshy ashyldy. Onlaın smart buryshynyń tusaýkeserine gazettiń Basqarma tóraǵasy Darhan Qydyráli qatysty.
Smart burysh «Egemen Qazaqstan» gazetin onlaın jáne qaǵaz túrinde oqýǵa múmkindik berip, jastardyń elimizdegi jáne alys-jaqyn shet elderdegi aqparat aǵynynan xabardar bolýǵa múmkindik beredi.
Sonymen qatar bul – qala jastary úshin tek aqparat alý buryshy ǵana emes, smart TV jáne ekran arqyly sońǵy ınnovasııalyq oqytý tehnologııalarymen túsirilgen vıdeo dáristerdi tyńdaý orny.
Endi osyndaǵy Shákárim atyndaǵy memlekettik ýnıversıtette respýblıkalyq «Egemen Qazaqstan» gazetiniń tarıhy zerttelip, stýdentterine tereń baǵdarly jumystar júktelmek.
Ýnıversıtet rektory Meıir Eskendirovtiń aıtýynsha, oqý orny Semeı qalasynyń ár aýdanynda ornalasqan ýnıversıtet fılıaldaryna osyndaı smart burysh ornatpaq. Sol arqyly halyqtyń «Egemen Qazaqstan» gazetine degen halyqtyń qyzyǵýshylyǵyn týdyrýdy kózdep otyr.
О́z kezeginde D.Qydyráli «Egemen Qazaqstan» tarapy da Shákárim ýnıversıtetiniń tynys-tirshiligi jóninde jıi jarııalaıtynyn aıtyp, tyǵyz baılanys ornatýdy jón sanaıtyndyǵyn jetkizdi. Halyqaralyq «AKME» klýby aıasynda ótken kezdesý sońynda «Egemen Qazaqstan» gazetiniń Basqarma tóraǵasy Darhan Qydyrálige «Qurmetti professor» ataǵy berilip, «Shákárim» medali tabystaldy.
Raýshan Nuǵmanbekova,
«Egemen Qazaqstan»
Semeı