«QAZAQCONCERT» memlekettik konserttik uıymy jáne «Habar» agenttigi astanalyqtar men qala qonaqtaryna «Ulystyń uly kúni» atty konsertin usynady. Konsert 13 naýryz kúni «Qazaqstan» ortalyq konsert zalynda ótedi.
«Ulystyń uly kúni» jobasynyń sheńberinde kórermender ulttyq salt-dástúrler men oıyndardyń teatrlandyrylǵan kórinisin, aqyndar aıtysyn, halyq áýenderine qurylǵan án shashý men kúı tartys syndy ulttyq mádenıetimizdiń ozyq úlgilerin tamashalaı alady. Bul kúni «Qazaqstan» konsert zalynyń úlken sahnasy men foıesiniń dekorasııalary erekshe sán-saltanatpen bezendirilgen kıiz úı úlgisinde usynylady.
Konsertte «Astana mıýzıkl» memlekettik teatry úzdik mıýzıklderdiń úzindilerin usynady. «Ulystyń uly kúni» konsertinde kórermen súıip tyńdaıtyn halyq ánderi, zamanaýı sazdy áýender jandy daýysta «Astana sazy» jáne «Saz&soul» ujymdarynyń súıemeldeýimen oryndalmaq. Otandyq estrada juldyzdarynyń jańa obrazdary, taptyrmas shoý jáne kútpegen dýetter erekshe ári esten ketpes áser qaldyrady.