Syrtqy ister mınıstri Beıbit Atamqulovtyń Qazaqstandaǵy Birikken Arab Ámirlikteri, Iordanııa, Irak, Katar, Kýveıt, Lıvan, Lıvııa, Marokko, Oman, Palestına, Saýd Arabııasy dıplomatııalyq ókildikteriniń basshylarymen jumys kezdesýi ótti.
Prezıdent Nursultan Nazarbaev arab álemimen jan-jaqty jáne ózara tıimdi yntymaqtastyqty nyǵaıtýǵa aıryqsha mańyz beredi, dep atap ótti Mınıstr. Elshiler sheteldik ınvestısııalardy tartý jáne shetelge qazaqstandyq eksportty jyljytý salasynda Syrtqy ister mınıstrliginiń jańa ókilettikterimen tanysty. B.Atamqulov saýda-ekonomıkalyq qatynastardy damytýǵa, sondaı-aq energetıka, logıstıka, aýyl sharýashylyǵy jáne basqa da salalarda birlesken ınvestısııalyq jobalardy júzege asyrýǵa Qazaqstannyń múddeliligin atap ótti.
Osy ýaqytqa deıin arab elderiniń kópshiligimen saýda-ekonomıkalyq jáne ınvestısııalyq salalarda ózara is-qımyldyń zor áleýeti áli kúnge deıin tolyǵymen paıdalanylmaǵany atap ótildi.
Mınıstr 2018 jyly Qazaqstannyń barlyq 22 arab elimen jıyntyq taýar aınalymynyń kólemi 1 mlrd AQSh dollardan aspaǵanyna, al ınvestısııalardyń jalpy kólemi búginde ne bári 2,4 mlrd AQSh dollar bolǵanyna nazar aýdardy. Sonymen birge qazirgi ýaqytta somasy 9 mlrd AQSh dollary bolatyn birlesken jobalar pystyqtalýda ekeni atap ótildi.
Saýda-ekonomıkalyq yntymaqtastyqty jandandyrý maqsatynda kólik jáne logıstıka salasyndaǵy problemalardy sheshýge, vızalyq rejımdi jeńildetý arqyly týrıstik áleýetti damytý qajettigine erekshe nazar aýdaryldy.
Osyǵan baılanysty, qazaqstandyq SIM basshysy arab áriptesterin ekijaqty yntymaqtastyqtyń barlyq baǵyttary boıynsha belsendi is-qımylǵa shaqyrdy.
Sonymen qatar B.Atamqulov ústimizdegi jyldyń 1-2 naýryzynda Abý-Dabı qalasynda ótetin Islam yntymaqtastyǵy uıymy (IYU) Syrtqy ister mınıstrleri Keńesiniń 46-shy otyrysynyń jumysyna qatysýyn rastady. Ol kún tártibinde bizdiń elderimizge qatysty máselelerdiń keń aýqymyn engizilgenin atap ótti. SIM basshysy osy is-shara aıasynda IYU-ǵa múshe elder syrtqy ister vedomstvolarynyń basshylarymen, sonyń ishinde arab mınıstrlerimen kezdesetinin aıtty.