Bul týraly Elbasy «Nur Otan» partııasynyń kezekti XVIII sezinde habarlady.
«Aýyl – el besigi. Sondyqtan aýyldardy ósim núktelerine aınaldyrýymyz kerek. Árbir aýylda mindetti túrde jumys orny ashylýy kerek. Ol úshin mıkronesıeler baǵdarlamasy bar. Aýyl turǵyndaryn óz mekenderinde alyp qalý úshin olarǵa jumys kerek. Bizde birneshe mamandyqty tegin oqytý júıesi, Jol kartalary bar. Múmkindikter mol. Tek naqty jumys isteý kerek. Baspana men jol salyp, áleýmettik nysandardy turǵyzyp, ShOB-ty damytý kerek. Aýyldyń da óziniń áleýeti bar. Ol úshin óńdeý ónerkásibin damytý kerek. Elimizde úlgili aýyldar jeterlik» dedi Memleket basshysy.
Osyǵan baılanysty Prezıdent Úkimetke «Aýyl – el besigi» arnaıy jobasyn júzege asyrý úshin usynystardy ázirleýdi tapsyrdy.
«Sonymen birge, usynystarmen qatar osy baǵytta qarjylandyrý boıynsha 2019-2021 jyldary 90 mlrd teńge bólýdi tapsyramyn» dedi Nursultan Nazarbaev.
Memleket basshysynyń aıtýynsha, joǵarydaǵy sharalar jastardyń aýylda qalýyna sebep bola alady.
Esterińizge sala ketsek, sezd jumysyna 2 myńǵa jýyq adam qatysyp jatyr. Olardyń 1200-i elimizdiń barlyq óńirinen kelgen delegattar.