«Nur Otan» partııasynyń oblystyq fılıalynda partııanyń XVIII sezi qorytyndylary boıynsha ótken oblys aktıvinde oblystyq fılıal tóraǵasy, oblys ákimi Bolat Baqaýov baıandama jasady.
Bárimizge belgili, Memleket basshysy eldiń ekonomıkalyq ósimin halyqtyń ál-aýqatynyń arttyrýǵa naqty tapsyrmalar júktedi.
- Búgin aýqymdy áleýmettik ınvestısııalar zamany, - deıdi Bolat Baqaýov. – Osy maqsatqa Ulttyq qor men respýblıkalyq bıýdjetten 2 trıllıon teńgeden astam qarajat bólinedi. Bul soma áleýmettik bastamalardyń úsh úlken tobyn júzege asyrýǵa baǵyttalmaq.
Bolat Baqaýov óz sózinde, aldaǵy 1 shildeden bastap jergilikti bıýdjettik salada qyzmet etip júrgeni 52 myń qyzmetkerdiń jalaqysy 30 paıyzǵa deıin kóbeıedi. Bul maqsatqa bıyl 6 mlrd teńge, al kelesi jyly 12 mlrd teńge bólinbek.
Sonymen birge, 2,5 myń tómengi sanattaǵy memlekettik qyzmetshilerdiń de jalaqysy orta eseppen 25 paıyzǵa artady.
- Memleket basshysy az qamtylǵan jáne kópbalaly otbasylardy qoldaýǵa erekshe kóńil bólýde, - dedi Bolat Baqaýov. – Oblys boıynsha 348 otbasy ataýly áleýmettik kómek alýda. Aldaǵy ýaqytta atalǵan kómek berýdiń kólemi ǵana emes, olardy taǵaıyndaýdyń joldary ońtaılandyrylmaq.
Bul úshin oblys turǵyndarynyń ómir súrý sapasyn arttyrýǵa baǵyttalǵan óńirlik saıasat júzege asyrylady. Ol úshin «Nur Otan» partııasynyń jergilikti qoǵamdyq qabyldaý bólmeleri turǵyndarmen tyǵyz eki jaqty baılanys ornatady.
О́ńirlik partııa uıymy tóraǵasynyń birinshi orynbasary Nıkolaı Dychkonyń aıtýynsha, jyl bastalǵaly qoǵamdyq qabyldaý bólmelerine 400-den astam turǵyn ótinish bildirgen.
N. Dychkonyń aıýtynsha, kún saıyn partııanyń jergilikti fılıaldaryna kóptegen turǵyndar kómekke júginedi.
Sonymen qatar, partııa turǵyndardyń máselelerin sheshýge baǵyttalǵan «Halyqqa kómek» arnaıy jobasyn iske qosady.
Elbasy usynǵan áleýmettik bastamalardy júzege asyrý aıasynda turǵyndardy baspanamen qamtý jáne bilim berý men densaýlyq saqtaý salalaryn damytý ary qaraı jalǵasady
Farıda BYQAI,
«Egemen Qazaqstan»
PAVLODAR
Sýreti túsirgen: Valerıı Býgaev