Seısenbi, 21 aqpan 2012 8:14
Germanııa kansleri Angela Merkel belgili quqyq qorǵaýshy Ioahım Gaýktiń kandıdatýrasynyń el prezıdenttigine usynylýyn qoldaıtynyn málimdedi.
Gaýktiń kandıdatýrasy týraly usynysty Hrıstıan Výlf otstavkaǵa ketkennen keıin oppozısııalyq sosıal-demokratııalyq partııa men jasyldar usynǵan bolatyn. Osy oraıda, 2010 jyly Merkeldiń hrıstıan-demokrat Výlfty qoldaı otyryp, Gaýktiń kandıdatýrasyna qarsy shyqqanyn aıta ketý kerek. 72 jastaǵy Ioahım Gaýk burynǵy GDR-de quqyq qorǵaýshylyq jáne dıssıdenttik qyzmetimen málim bolǵan adam.
Seısenbi, 21 aqpan 2012 8:14
Germanııa kansleri Angela Merkel belgili quqyq qorǵaýshy Ioahım Gaýktiń kandıdatýrasynyń el prezıdenttigine usynylýyn qoldaıtynyn málimdedi.
Gaýktiń kandıdatýrasy týraly usynysty Hrıstıan Výlf otstavkaǵa ketkennen keıin oppozısııalyq sosıal-demokratııalyq partııa men jasyldar usynǵan bolatyn. Osy oraıda, 2010 jyly Merkeldiń hrıstıan-demokrat Výlfty qoldaı otyryp, Gaýktiń kandıdatýrasyna qarsy shyqqanyn aıta ketý kerek. 72 jastaǵy Ioahım Gaýk burynǵy GDR-de quqyq qorǵaýshylyq jáne dıssıdenttik qyzmetimen málim bolǵan adam.
Sırııa elshisin shaqyryp aldy
Sırııa Egıpettegi óz elshisin keri shaqyryp alatyndyǵy týraly málimdeme jasady.
Damaskiniń bul sheshimi Kaırdiń is-áreketine qarsy jasalǵan qadam bolyp otyr. Bul týraly Egıpettiń syrtqy ister mınıstrligi habarlady. 17 aqpan kúni myńdaǵan egıpettikter el astanasynyń ortalyǵynda Sırııa ókimetine qarsy uıymdastyrylǵan ereýilderge qatysqan bolatyn. Sonymen birge, qarsylyq aksııasyna qatysýshylar Sırııa elshisin Egıpetten shyǵarý jóninde de talaptar qoıǵan.
Túrmede shyqqan ereýil
Meksıkanyń soltústigindegi Monterreı qalasyndaǵy túrmelerdiń birinde tártipsizdikter oryn alyp, sonyń saldarynan shamamen 40 adam qaza tapqan.
Meksıkanyń Nýevo-Leon shtatynyń qaýipsizdik máseleleri jónindegi baspasóz hatshysy Horge Domene Zambranonyń málimdeýinshe, ereýil túngi saǵat 2.00-de bastalǵan. Sottalǵandar janjal shyǵaryp, kúzetshilerdiń birin kepildikke alǵan. Izinshe tártipsizdikter túrmeniń ózge de bloktaryna aýysqan. Tek eki saǵattan keıin ǵana bılikke ahýaldy baqylaýǵa alýdyń sáti túsken kórinedi.
Sarkozıdiń sasatyn túri joq
Fransııa prezıdenti Nıkolıa Sarkozı óziniń saılaýaldy naýqanyn Marselde buqaralyq mıtıngimen bastady.
Jaqtastarynyń aldynda sóz sóılegen ol ózi júrgizgen ekonomıkalyq saıasattyń Fransııany daǵdarystyń eń bir aýyr zardaptarynan qorǵap qalýǵa jaǵdaı týǵyzǵanyn málimdegen. Sonymen birge ol «dástúrli qundylyqtardy» qorǵaýdyń óziniń basty saıası maqsattarynyń biri bolatynyn da atap kórsetken. Búginde sosıalıst Fransýa Olland Sarkozıdiń basty básekelesi bolady dep sanalyp otyr. Qazirgi kezde onyń reıtıngi memleket basshysynan 5-8 paıyzǵa joǵary tur.
Baǵdadtaǵy jarylys
Irak astanasy Baǵdad qalasynda polısııa akademııasynyń janynda jankeshti terrorshy ózin-ózi jaryp jibergen.
Sonyń saldarynan 16 adam qaza taýyp, 26 adam túrli dene jaraqattaryn alǵan kórinedi. Jarylys oqýǵa jańa qabyldanǵandar ǵımarattan shyǵa bergen sátte oryn alǵan. Aldyn ala málim bolǵanyndaı, rúlinde jankeshti otyrǵan avtomobıl jarylys kúshinen aspanǵa bir-aq ushqan. Ázirge birde-bir top terrakt úshin jaýapkershilikti óz moıyndaryna almaı otyr.
Saılaýdyń qashan óteri belgisiz
Egıpettiń saılaý komıssııasy elde ótetin prezıdent saılaýynyń naqty kúnin keıinirek habarlaıtyn bolady.
Komıssııa tóraǵasy Farýk Sýltannyń málimdeýinshe, shetelderde turatyn egıpettikterdiń daýys berýin uıymdastyrýdyń kúrdeliligine baılanysty komıssııa ázirge saılaýdyń ótetin naqty kúnin kelise almaı otyrǵan kórinedi. Buǵan deıin Egıpettiń jańa prezıdentin saılaý 2012 jylǵy shildeniń sońyna deıin ótedi dep habarlanǵan bolatyn. Prezıdent saılaýynyń naqty kúnin taıaý ýaqyttarda Joǵarǵy saılaý komıssııasy málimdeýge tıis.
Qar astynan tabylǵan adam
Shvesııa turǵyny qar astynda kómilip qalǵan máshınede tamaqsyz, sýsyz eki aı ýaqyt ótkizgen.
Jergilikti gazettiń jazýyna qaraǵanda, avtoáýesqoı tiri qalǵan, tipti eshqandaı zardap ta shekpegen tárizdi. Peter Skıllberg esimdi 45 jasar er adamnyń ǵaıyptan aman qalýy týraly habar búkil elge tarap úlgerdi. Ony Ýmeo qalasyna jaqyn orman ishinen jergilikti turǵyndar taýyp alǵan kórinedi. Avtomáshıne ishinde eki aı boıy qamaýda bolǵan adamdy qutqarýshylar men medıkter zembilge salyp alyp ketken.
Ispandar eńbek reformasyna qarsy
Bir mıllıonnan astam ıspandar ótken aptada úkimet qabyldaǵan eńbek reformasyna narazylyq belgisi retinde kóshelerge shyqty.
Uıymdastyrýshylar keltirgen málimetterge qaraǵanda, bul 1988 jyldyń basynan beri Ispanııada ótip otyrǵan eń iri narazylyq aksııasy. Oppozısııalyq Ispanııa sosıalıstik jumysshy partııasy men kásipodaqtar ıspan úkimeti qýattaǵan eńbek reformasy jumysshylardyń quqyqtaryna qysym jasaıdy dep esepteıdi. El úkimeti qýattaǵan zań jobasy boıynsha jumys berýshi ár jumys istegen jyly úshin 33 kún mólsherinde járdemaqy tóleı otyryp, qyzmetkerdi jumystan shyǵaryp jiberýge quqyly. Buryn bul kórsetkish 45 kúndi quraıtyn.
Iran jańa klıentter izdemek
Iran brıtan jáne fransýz kompanııalaryna munaı jetkizip berýdi toqtatty.
Osy eldiń munaı mınıstrliginiń saıtynda keltirilgen málimdemede mınıstrlik ókili Alı Reza Nıkzad munaıdy budan bylaı jańa klıentterge satatyndaryn málimdegen. 23 qańtarda Eýroodaq elderiniń syrtqy ister mınıstrleri Brıýsselde Iran munaıyna embargo qoıýdy qýattaǵan bolatyn. Oǵan sáıkes 1 shildeden bastap Eýroodaqqa múshe Tehrannan munaı satyp alýshy barlyq elder Iran ımportynan bas tartýy tıis. Sóz oraıynda Irannyń Eýropaǵa munaı ımportynyń shamamen 68 paıyzynyń Grekııa, Italııa jáne Ispanııa úlesine tıesili ekenin aıta ketý qajet.
Internet materıaldary negizinde ázirlendi.