Is-shara qazaqtyń kıeli salt-dástúrlerin nasıhattaý maqsatynda ótkizildi, dep habarlaıdy Astana ákimdiginiń resmı saıty.
Búgin Qazaqstannyń Ulttyq mýzeıinde «Jaqsylyq jasa» atty halyq jobasy aıasynda «Tusaý keser» qaıyrymdylyq jobasy ótti. Murajaı osy jobany tórtinshi jyl qoldap, ata-anasynyń qamqorlyǵynsyz qalǵan balalar úshin dástúrli túrde ótkizedi.
«Bıyl biz Naýryz meıramyn erekshe formatta qarsy alamyz. Qazaqtar úshin «jeti» sany qasıetti bolyp tabylady. Osyǵan baılanysty belgili adamdar balalar úıinde tárbıe alyp jatqan búldirshinderdiń tusaýyn kesedi. Aldaǵy ýaqytta osy balalarmen jumys isteý aıasynda olarǵa kómek kórsetý jáne olardy jan-jaqty qoldaý jalǵastyrylatyn bolady. Bolashaqta bizdiń aksııa respýblıka boıynsha jalǵasyn tapqanyn qalaımyz», – dedi Ulttyq mýzeı dırektorynyń mindetin atqarýshy Almaz Orazhan.
Sharaǵa Mádenıet jáne sport mınıstri Arystanbek Muhamedıuly, belgili ánshi Maıra Ilııasova men Aıgúl Qosanova, Tokıo ýnıversıtetiniń professory Kenetako Maıýzato, Qazaqstandaǵy Eýroodaq Elshisi Sven-Olov Karlsson, arheolog, professor Jambyl Artyqbaev jáne belgili fılolog, aqyn Amanjol Altaev qatysty.
Barlyq balalarǵa syılyqtar berildi.