Premer-mınıstr Oljas Bektenov Astana qalasyna jumys sapary barysynda Memleket basshysynyń ekonomıkany ártaraptandyrý jáne tehnologııalyq ınfraqurylymdy damytý jónindegi tapsyrmalary sheńberinde júzege asyp jatqan negizgi ındýstrııalyq jáne sıfrlyq jobalardyń barysyn tekserdi, dep habarlaıdy Egemen.kz.
О́ndiristik áleýetti arttyrý, ozyq tehnologııalardy engizý jáne qalanyń sıfrlyq júıeleriniń ornyqtylyǵyn kúsheıtý máselesine basymdyq berildi.
Búginde elorda ónerkásibi negizinen óńdeý sektoryna súıenedi. 2025 jyldyń qorytyndysy boıynsha óndiris kólemi 3,4 trln teńgeden asty. Kásiporyndardyń deni №1 Indýstrııalyq park aýmaǵynda ornalasqan. Jalpy quny 333,3 mlrd teńgeni quraıtyn 137 joba júzege asyrylyp, 9 500-den astam jumys ornyn ashý kózdelgen.
О́nerkásip óndirisiniń bes aıdaǵy jetistigi
Mashına jasaýǵa serpinÚkimet basshysy sapar barysynda «Avtokomponenty KZ» JShS-niń órt sóndirý jáne arnaıy tehnıka shyǵaratyn zaýytynda boldy. 2025 jyldyń qańtarynda iske qosylǵan kásiporynǵa 5,1 mlrd teńgeden astam jeke ınvestısııa salynǵan. Joba Kásipkerlikti damytý qorynyń qoldaýymen júzege asqan.
О́ndiris dırektory Aleksandr Plýjnıkovtyń aıtýynsha, zaýyt jylyna 400 birlikke deıin tehnıka shyǵarýǵa qaýqarly. Onyń ishinde órt sóndirý avtosısternalary, vahtalyq fýrgondar, kommýnaldyq-jol mashınalary bar. О́nimder Tótenshe jaǵdaılar mınıstrligine, kommýnaldyq qyzmetterge jáne ózge de qurylymdarǵa jetkiziledi. 2026-2028 jyldary qyzmetkerler sany 200 adamǵa deıin kezeń-kezeńimen ulǵaıtylmaq. Qazir óndiris jelilerin keńeıtý jáne jergiliktendirý deńgeıin arttyrý jumystary júrgizilip jatyr.
О́nerkásip óristep, turmys túzelgen
Oljas Bektenov otandyq mashına jasaýdy ındýstrııalandyrýdyń jáne joǵary ónimdi jumys oryndaryn ashýdyń basty tetikteriniń biri retinde damytý qajettigin atap ótti.
«О́ńdeý ónerkásibiniń ósýi ekonomıkany ártaraptandyrýǵa jáne otandyq óndiristiń básekege qabilettiligin arttyrýǵa tikeleı áser etedi. Prezıdent Qasym-Jomart Toqaev Úkimettiń keńeıtilgen otyrysynda atap ótkendeı, biz el ishinde kóbirek ónim óndirýimiz kerek, naqty sektordy nyǵaıtyp, turaqty jumys oryndaryn qurý qajet. Úkimet óz tarapynan óndiris pen lokalızasııalaýdy qamtamasyz etetin kásiporyndarǵa ınfraqurylym, kadrlardy daıarlaý jáne naqty tapsyrys tetikteri arqyly qoldaý kórsetedi. Nátıje neǵurlym kóbirek ónim shyǵarýǵa, kóbirek jumys ornyn qurýǵa jáne joǵary sapaǵa negizdelýi kerek», dedi Premer-mınıstr.
Sıfrlyq ınfraqurylymnyń jańa kezeńiSapar aıasynda Úkimet basshysy Astana Smart City jobasy sheńberinde qurylǵan Derekterdi óńdeý ortalyǵyn da aralady. Bul – halyqaralyq Presight kompanııasy men qala ákimdiginiń seriktestigi negizinde salynǵan, qalalyq ınfraqurylymǵa arnalǵan elimizdegi alǵashqy data-ortalyq.
Kompanııa ókilderiniń málimetinshe, ortalyq bazasynda qalalyq ahýaldyq ortalyq, beınetaldaý júıeleri, jasandy ıntellekt platformalary jáne qalalyq ortany basqarýǵa arnalǵan sıfrlyq qyzmetter jumys isteıdi. Nysan halyqaralyq turaqtylyq jáne aqparattyq qaýipsizdik standarttaryna saı keledi. Infraqurylym asa mańyzdy sıfrlyq júıelerdiń úzdiksiz jumysyn qamtamasyz etýge múmkindik beredi.
Jumys saparynyń qorytyndysynda Oljas Bektenov ındýstrııalyq bazany kúsheıtý jáne sıfrlyq ınfraqurylymdy damytý baǵytyndaǵy jobalardy júıeli jalǵastyrýdy tapsyrdy. Turaqty ekonomıkalyq ósim men azamattardyń ómir sapasyn arttyrý úshin óndiristik jáne tehnologııalyq sheshimderdi yqpaldastyrýdyń mańyzy erekshe ekeni atap ótildi.
Jasandy ıntellekt otandyq ónerkásipti qalaı ózgertedi?