О́ńirlik kommýnıkasııalar qyzmetinde ótken brıfıngte Aqmola oblysy ákiminiń orynbasary Marat Iǵalıev óńirdegi týrıstik salanyń búgingi jaǵdaıy jóninde aıtyp berdi.
Memleket basshysy el halqyna arnaǵan óz Joldaýynda bizdiń baı tabıǵat pen mádenı áleýetti paıdalaný úshin týrızmdi damytýǵa erekshe nazar aýdarý qajettigin atap ótken bolatyn. Týrızm Aqmola oblysynda erekshe orynǵa ıe. О́z kezeginde bul óńir Qazaqstan Respýblıkasyndaǵy týrıstik aýmaq kóshbasshylarynyń bestigine kiredi.
– Oblystaǵy týrızm salasynda 700-den artyq kásiporyn jumys isteıdi. О́tken jyly bizdiń óńirge dem alýǵa 1,1 mıllıon adam keldi. 2018 jyldyń qańtar-qyrkúıek aılarynda osy salada qyzmet kórsetý kólemi 1,6 prosentke ósip, 270 myń adamǵa jetti. Kórsetilgen qyzmet kólemi 5,5 mıllıard teńgeni qurady. О́ńirde «Býrabaı», «Buırataý» jáne «Kókshetaý» memlekettik ulttyq tabıǵı parkteri men Qorǵaljyn memlekettik tabıǵı qoryǵy, 900 mádenı eskertkish ornalasqan. 2017-2020 jyldary Shýchınsk - Býrabaı kýrortty aımaǵyn damytý josparynyń III kezeńi aıasynda bıylǵy jyly Býrabaı aýdandyq PB ǵımaratynyń, kavalerııa vzvodynyń nysany men polısııa qyzmetkerleriniń 100 páterlik turǵyn úıiniń qurylysy aıaqtalady. Vızıt ortalyǵynyń bazasynda tarıhı ólketaný mýzeıi men Botaı mádenıetiniń mýzeıi, «Jaılaý» etno aýyly men avtokempıngter ashyldy. Strıt-fýd júıesi uıymdastyryldy. «AsiaWaters» kompanııasy emdik qasıeti bar «Qulager Burabay» jańa ashana sýynyń ónerkásiptik óndirisin jolǵa qoıdy, - dedi Marat Iǵalıev.
Sondaı-aq, qyzmet baǵasyn tómendetý úshin týrpaketter satý jáne 50 paıyz jeńildik beretin BurabayCity Pass elektrondyq júıeleri engizildi. Kýrort qonaq úıleri batys oblystardyń 12 kásipodaq uıymymen kelisim-shart jasap, ótken maýsymda 1293 eńbekker demaldy. Býrabaı kentindegi jańa shaǵyn aýdannyń qurylysy bastalysymen bas kóshe men ortalyq alań abattandyryldy. Býrabaı kóli jaǵalaýyna eki alleıa salyndy. Qoqysty iriktep jınaý jobasy júzege asyrylýda. «love Burabay» jazýy túrindegi shaǵyn sáýlettik músinder men aqparattyq jol kórsetkishteri ornatylǵan. Oblystyq ákimdik pen «QazAvtoJol» UK» aksıonerlik qoǵamy arasyndaǵy qol jetkizilgen kelisim aıasynda oblys aýmaǵynda halyqaralyq standarttarǵa sáıkes, «KazWay» modýldik servısteriniń 9 pavılony ornatylǵan. Servıs sapasyn jaqsartý maqsatynda sertıfıkattalǵan qonaqúı sany jeti ese kóbeıip, 26 nysandy qurady.
«Hotel Plaza» qonaq úıi kesheninde Qazaqstanda tuńǵysh ret «Servıs pen týrızm akademııasy» ashyldy. Sıfrlandyrýdy engizý aıasynda týrıstik aqparattyq ortalyq Aqmola oblysynda týrıstik áleýet jóninde úsh tildegi jańa ınternet-resýrs engizdi. «Visit Aqmola» mobıldik usynysy quryldy. Oǵan óńirdiń belgili oryndarynyń QR-kody kiredi. Týrısterdi tartý maqsatynda turaqty negizde ımıdj qalyptastyrý boıynsha jumys júrgizilýde. Onyń ishinde, óńirdiń týrızmin elimiz ben shetelde aqparat quraldarynda nasıhattaý jumystary qolǵa alynýda. О́tken jyly óńirdiń týrıstik áleýetin nasıhattaýǵa baǵyttalǵan 27 shara, sheteldik jáne qazaqstandyq týroperatorlar, ınvestorlar men BAQ ókilderi úshin 12 aqparattyq-jarnamalyq týr ótkizildi. 2018 jyldyń basynda Aqmola oblysy 4 halyqaralyq jáne 1 respýblıkalyq kórme men forým ótkizildi. Býrabaı kýrorty tartymdylyǵyn qamtamasyz etý jáne jyl boıy bıznesti tartý maqsatynda «Four seasons» tujyrymdamasy júzege asyrylýda. О́tken jyly týrıstik ınfraqurylymdy damytý maqsatynda 32 ınvestısııalyq joba júzege asyrylyp, 340 jumys orny ashyldy.
Baıqal BAIÁDIL,
«Egemen Qazaqstan»
Aqmola oblysy