Búgin Parlamenttiń birlesken otyrysynda Qasym-Jomart Toqaev Nursultan Nazarbaevtyń jetistikterine toqtaldy.
«Nursultan Nazarbaev álemdik tarıhqa myqty saıası reformator retinde endi. Ol Qazaqstandy álemde básekege qabiletti jáne damyǵan 50 eldiń qataryna engen zamanaýı ozyq memleketke aınaldyra aldy» dedi Toqaev.
Onyń aıtýynsha, Nazarbaev reformalary Qazaqstandy turaqty damytyp otyrdy.
«Qazaqstan barlyq ekonomıkalyq kórsetkishteri boıynsha Ortalyq Azııada kóshbasshy boldy, postkeńestik keńistikte aldyńǵy orynǵa ıe boldy. Oǵan qosa Úkimetke daǵdarystyq jaǵdaılarda áleýmettik-ekonomıkalyq sıpattaǵy birinshi kezektegi mindetterdi sheshýge múmkindik beretin iri ulttyq resýrstardy shoǵyrlandyra aldy. Elbasy ekonomıkaǵa ınvestısııa tartý baǵytyn júzege asyrdy. Bizdiń elimizge 300 mlrd dollardan astam ınvestısııa quıyldy» dedi ol.