19-20 naýryz kúnderi Seýlde saýda-ekonomıkalyq jáne ǵylymı-tehnıkalyq yntymaqtastyq boıynsha Qazaqstan-Koreı úkimetaralyq komıssııanyń 8-shi otyrysy ótti. Qazaqstan delegasııasyn QR Indýstrııa jáne ınfraqurylymdyq damý mınıstri Roman Sklıar bastap bardy.
Delegasııa quramynda múddeli memlekettik ortalyq organdardyń, «Qazgeologııa» AQ, Qazaqstan syrtqy saýda palatasynyń, «QazQSǴZI» AQ, «Qazaqstan ındýstrııalyq damý ınstıtýty» AQ, «KazakhInvest» UK-nyń jáne bıznestiń ókilderi bar.
Indýstrııa jáne ınfraqurylymdyq damý mınıstri óz sózinde Koreıa Respýblıkasy Qazaqstannyń Ońtústik Shyǵys Azııadaǵy strategııalyq seriktesi ekenin atap ótti.
«Investısııalyq saladaǵy yntymaqtastyq turaqty ósimdi kórsetip otyr. Koreıa Respýblıkasy Qazaqstannyń iri ınvestorlarynyń biri. Sońǵy 13 jylda Koreıadan Qazaqstanǵa kelgen tikeleı ınvestısııa aǵyny 5,5 mlrd. AQSh dollaryn qurady. Qazaqstanda koreılik kapıtaldyq qatysýymen 516-dan astam birlesken kásiporyn jumys isteıdi. 2018 jyly eki el arasyndaǵy taýar aınalym kólemi boıynsha rekordtyq kórsetkishke qol jetkizildi. Taýar aınalym 2,2 esege ósip, 3,9 mlrd. AQSh dollaryn qurady (2017 j. – 1,7 mlrd. AQSh doll). 2018 jyly Qazaqstan Koreıaǵa eksport 2,9 mlrd. AQSh dollaryn qurady. Ol 2017 jyldyń sáıkes kezeńimen salystyrǵanda 3,2 ese joǵary (941,1 myń AQSh doll.)», - dedi R.Sklıar.
Eki el arasynda jalpy somasy 4,6 mlrd. AQSh dollary bolatyn 41 Qazaqstan-Ońtústik Koreıa ınvestısııalyq jobasy bar.
Anyqtama: 1,9 mıllıard dollarlyq 19 iri joba júzege asyryldy. (logıstıka, mashına jasaý, tamaq ónerkásibi, elektronıka, munaı-gaz ónerkásibi, TMK). Jalpy somasy 2 mlrd. AQSh dollaryna jýyq (ınjenerlik, aspap jasaý, elektronıka, taý-ken jáne metallýrgııa, ınfraqurylym) 6 birlesken jobany júzege asyrý jumystary júrgizilýde.
Sonymen birge medısına jáne farmasevtıka, kólik jáne logıstıka, prıbor jasaý, hımııa ónerkásibi, geologııa, metallýrgııa jáne aqparattyq kommýnıkasııalyq tehnologııa salalaryn qamtıtyn jalpy quny shamamen 1 mlrd. AQSh dollary bolatyn 16 perspektıvalyq birlesken jobalarda ózara múddelilik pen yntymaqtastyq bolashaǵy baıqalady.
Sondaı-aq mınıstr qazirgi ýaqytta koreı bıznesi úshin barynsha qolaıly jaǵdaılar jasalǵanyn atap ótti. Bul elimizdiń tartymdy ınvestısııalyq klımaty (ınvestısııalyq jobalardy iske asyrý úshin arnaıy preferensııalar men jeńildkter qarastyrylǵan), Koreı azamattary úshin Qazaqstanda vızasyz rejım jáne tikeleı áýe qatynasy ornaǵan. Bul sharalar iskerlik baılanystardy nyǵaıtýǵa jáne eki el arasyndaǵy saýda-ekonomıkalyq jáne áleýmettik baılanystardy damytýǵa yqpal etedi. Budan bólek, quzyrettilik berý salasynda DaewooBusGlobalCorporation, Hyundai, Kia, SsangYong, LG kompanııalarymen yntymaqtastyqtyń jarqyn dáleli bar.
Ońtústik Koreıa prezıdenti Mýnnyń Qazaqstanǵa jasaıtyn sapary aıasynda Almatyda jańa avtomobıl zaýytynyń qurylysy bastalady.
Jer qoınaýyn paıdalaný salasynda yntymaqtasýdyń perspektıvasy zor. Mınıstr úkimetaralyq komıssııa qatysýshylaryna avstralııalyq modelge balama jer qoınaýyn paıdalaný quqyǵyn jeńildetýdi «Birinshi keledi, birinshi aldy» prınsıpi boıynsha lısenzııalaý rásimin engizý arqyly qamtamasyz etetin jer qoınaýy týraly jańa Kodeks jaıynda aıtyp berdi. Ol qatty paıdaly qazbalarǵa, geologııalyq aqparatqa qoljetimdilikti qamtamasyz etý jáne ony sıfrlandyrý, rezervterdi baǵalaýdyń halyqaralyq tártibine kóshý, kenishterdi jabylǵan kezde eldiń ekologııalyq qaýipsizdigin qamtamasyz etý úshin ken oryndaryn joıý týraly erejeni nyǵaıtý, jer qoınaýyn paıdalanýda qoldanystaǵy kelisim-sharttar turaqtylyǵyn qamtamasyz etý sııaqty mańyzdy qadamdardy qamtıdy.
«Biz tabıǵı qazbalardy óndirý men óńdeý, metallýrgııa, munaı jáne gaz sııaqty dástúrli salalarda, sondaı-aq, munaı hımııa, gaz hımııa, atom ónerkásibi, jańartylǵan energııa kózderi, aqparattyq-kommýnıkasııalyq tehnologııalar, mashına jasaý, qarjy, medısına, qurylys jáne basqa da jańa salalar boıynsha ózara is-qımyldyń zor perspektıvasyn kórip otyrmyz», - dedi mınıstr.
Úkimetaralyq otyrys aıasynda taraptar saýda jáne ınvestısııa salasyndaǵy ekijaqty yntymaqtastyqtyń Jol kartasyn jańartýǵa kelisti. Bul Jol kartasyna 2016 jyldyń qarasha aıynda QR Prezıdenti N.Nazarbaevtyń Koreıaǵa memlekettik sapary kezinde Saýda, ónerkásip jáne energetıka, Investısııa jáne damý mınıstrlikteri (qaz.ýaqytta Indýstrııa jáne ınfraqurylymdyq damý mınıstrligi) arasynda qol qoıylǵan bolatyn.
Sondaı-aq Qazaqstan tarapy kelesi bes jyl ishinde yntymaqtastyqtyń barlyq perspektıvaly baǵyttaryn qamtıtyn «SAMAL JEL» Qazaqstan-Ońtústik Koreıa jańa ekonomıkalyq yntymaqtastyqtyń keńeıtilgen baǵdarlama jobasyn usyndy.
Anyqtama: bul jobaǵa saýda, energetıka, ınfraqurylym, logıstıka, ónerkásip, aýyl sharýashylyǵy, ınnovasııa jáne t.b. salalar kiredi.
Kezdesý barysynda taraptar osy qujattyń negizgi erejelerin kelisti. Baǵdarlamaǵa prezıdent Mýnnyń Qazaqstanǵa sapary kezinde qol qoıylady, dep kútilýde.