Qaraǵandyda Beıbitshilik býlvary men Narmanbet Tólepov kóshesi biriktirilip, Nursultan Nazarbaev atyndaǵy dańǵyl bolyp ózgertildi.
Bul týraly sheshimdi Qaraǵandy qalalyq máslıhatynyń kezekten tys HHHVI sessııasynda depýtattar biraýyzdan qabyldady. Dál osy kúni oblystyq máslıhattyń da kezekten tys sessııasy ótip, depýtattar áriptesteriniń bul sheshimin biraýyzdan qoldady.
– Biz, qaraǵandylyqtar, Nursultan Nazarbaevty jaqsy bilemiz jáne onyń eńbek jolyn Qaraǵandy jerinde bastaǵanyn maqtan etemiz. Nursultan Nazarbaev – óte kishipeıil adam, Prezıdent kezinde esimin ulyqtaýǵa jol bermedi. Al qazir Elbasyna qurmet kórseter kez keldi. Onyń esimimen Qaraǵandydaǵy dańǵyldy ataý – óte oryndy jáne aqylǵa qonymdy sheshim dep esepteımin, – dedi Elbasynyń seriktesi Nıkolaı Drıjd.
Aıta ketetin bir jaıt, jańa ataýǵa ıe bolǵan dańǵyldyń boıynda Elbasy joǵary bilim alǵan Qaraǵandy memlekettik tehnıkalyq ýnrversıteti ornalasqan.
Qaırat ÁBILDA,
«Egemen Qazaqstan»
Qaraǵandy