Keshe Máskeýdegi Kreml saraıynda Dımash Qudaıbergenniń birinshi jeke konserti ótti.
Qazaqstan ánshisiniń úsh saǵatqa jýyq ýaqytqa sozylǵan jeke konserti ótken saraıda ıne shanshar oryn bolǵan joq. Bıletter satylymǵa túsken alǵashqy kúnderde-aq ótip ketken bolatyn. Qazirgi ýaqytta áleýmettik jelide Dımash konsertiniń vıdeosy júktelgen.
Máskeýdegi konsertke Dımashtyń shyǵarmashylyǵyna shynaıy berilgen álemniń 50-den astam elinen jankúıerler kelgen. Qurmetti qonaqtar arasynda ánshiniń ata-anasy, Qazaqstannyń Reseıdegi Elshisi, Qazaqstannyń Mádenıet jáne sport mınıstri, Reseı Premer-Mınıstriniń jubaıy, estrada juldyzdary jáne ózge de bedeldi azamattar bolǵan.
Dımashtyń ár áni aıaqtalǵan saıyn jankúıerlerdiń «Dımash!», «Jaraısyń!» degen daýystardan zal jańǵyryp turdy. Ásirese, qytaılyq ónersúıer qaýymnyń «Dımashı», «Sheshe» degen aıqaıynan qulaq tunady.
Qazaqstandyq ánshi Dımash Qudaıbergenniń konsertinen bir kún buryn álemniń 56 elinen 400-den astam jankúıer Máskeýde «pre-party»-de bas qosqan edi.