Búgin Qazaqstan Respýblıkasynyń Prezıdenti Qasym-Jomart Toqaev Túrkistan oblysynyń atqarýshy organ basshylarymen, ardagerler jáne zııaly qaýym ókilderimen kezdesti.
Memleket basshysy óńirdi órkendetý, onyń ortalyǵy - Túrkistan qalasyn damytý máselesi boıynsha oı qozǵap, aldaǵy josparlarymen bólisti.
«Elbasymyzdyń reformalary Qazaqstandy damý jlyna shyǵardy. Biraq álemde básekelestik artýda. Jańadan syn qaterler paıda bolýda. Jalpy búkil dúnıejúziniń daǵdarys bolyp, álemniń bolashaǵy bulyńǵyr bolýda.Sondyqtan toqtap qalýǵa múldem bolmaıdy. Halyqymyzdyń birligi, ultarpalyq kelisim, kúshti ekonmıka ári qaraı alǵa basýdyń negizgi kepili»,- dedi Qasym-Jomart Toqaev.
Memleket basshysy Túrkistan oblysy dotasııalyq óńir degen attan arylyp, óndiristi damytý, jumys oryndaryn ashý baǵytynda aýqymdy jumystar júrgizilýi kerek ekenin aıtty. Túrkistan qalasynyń ınfraqurylymyn damytý, aýyz sý, gaz jáne sapaly elektr qýatymen, halyqqa qajetti qyzmet kórsetý ortalyqtary men bank bólimshelerin, saýda oryndaryn ashý jóninde tapsyrma berdi. Túrkistandy ǵylym men mádenıettiń rýhanııattyń ortalyǵyna aınaldyrý boıynsha naqty jospar jasaý jóninde mindet júktedi.
Memleket basshysy sonymen qatar Túrkistan oblysynyń ákimi О́mirzaq Shókeev Túrkistandy túletýdegi kúrdeli jumysty uıymdastyryp, tabysty júzege asyrady dep senim bildirdi.