Keshe Qazaqstan Respýblıkasynyń Premer-Mınıstri Kárim Másimov Reseı Federasııasy Úkimetiniń Tóraǵasy Vladımır Pýtınmen kezdesýge daıyndyq sheńberinde Reseı Úkimeti Tóraǵasynyń birinshi orynbasary Igor Shývalovpen kezdesti.Máskeýde ótetin eki el úkimetteri basshylarynyń kezdesýinde eki eldiń Keden odaǵy sheńberindegi qyzmettestikterine qatysty birqatar máseleler talqylanbaqshy.
K.Másimov atap kórsetkendeı, Qazaqstan, Reseı jáne Belarýs prezıdentteri kol jetkizgen Keden odaǵyn qurý týraly kelisimder búginde is júzine asýda. Qazirgi kúni Keden kodeksine túzetýler engizý jónindegi ortaq sheshimder qabyldanyp, ımporttyq baj salyǵynan túsetin aqsha qarjylaryn bólý jónindegi ýaǵdalastyqqa qol jetkizildi.
Taıaý ýaqyttarda taraptar keden qyzmetteriniń ózara is-qımyldaryn kelisip, keden beketteriniń biregeı jumys reglamentin qalyptastyrýy qajet.
Premer-Mınıstrdiń baspasóz qyzmeti.