Prezıdent Qasym-Jomart Toqaev Túrkistan qalasynyń jurtshylyq ókilderimen kezdesýde jastar saıasatyn utymdy júrgizýdiń qajettigin málimdedi.
«Elbasy 2019 jyldy Jastar jyly dep jarııalaǵanyn bilesizder. Biz jastarǵa jańa múmkindikter berýimiz kerek. Bul – bıznes ashý, bilim alý, jumysqa ornalasý, tabys tabý degen sóz. О́z ómirin jaqsartýǵa, mansaby boıynsha joǵarylaýǵa arnalǵan áleýmettik lıftter is júzinde jumys isteýi kerek. Elimizdiń jastary men talantty azamattary memlekettik qyzmette ilgerileý úshin arnaıy kadrlyq baǵdarlama daıyndaımyz» dedi Q.Toqaev.
Memleket basshysy bolashaq jastardyń qolynda ekenin aıta kele, rýhanı jáne adamgershilik qundylyqtardy odan ári nyǵaıtý qajettigin atap kórsetti.
«Bul másele boıynsha jol silteıtin temirqazyq bar. Bul – Elbasynyń «Rýhanı Jańǵyrý» baǵdarlamasy jáne «Uly dalanyń jeti qyry» atty maqalasy. Osy qaǵıdattardy qatań ustaný arqyly ǵana biz jahandyq álemdegi ulttyq biregeıligimizdi saqtap qalamyz. Ultymyzdyń mádenı kodyna súıenbesek, elimizdi odan ári jańǵyrta almaıtynymyz anyq» dedi Memleket basshysy.