Aqtaýda alǵash ret kishkentaı Mıss jáne Kishkentaı Mıster Mańǵystaý-2019» baıqaýy ótti. Saıysqa 4 pen 14 jas aralyǵyndaǵy jas órender qatysty. Jarys aldymen arnaıy kastıng arqyly ótip, baqtary oza shapqan 16 qatysýshy baıqaýǵa joldama alǵan.
Jobanyń basty maqsaty - daryndy balalardy damytý, túrli xalyqaralyq baıqaýlarda Qazaqstandy tanystyrýǵa qabiletti, óńirdiń kishkentaı xanshaıymy men xanzadasyn anyqtaý. Qatysýshylardyń deni eki tildi meńgergen, ónerge jany qushtar jetkinshekter. Saıys sharty boıynsha qatysýshylar - qazaq jáne orys tilinde ózderin tanystyrdy. Ulttyq naqyshtaǵy sán úlgisin kórsetip, óz ónerlerin ortaǵa saldy. Baıqaý qorytyndysy boıynsha Porodnova Veronıka -II-vıse xanshaıym, Serik Aızere - I-vıse xanshaıym, Muxambet Aılın "Kishkentaı mıss Aqtaý" atandy. Al Mańǵystaýdyń kishkentaı xanzadasyn Ádilbekov Nurdáýlet ıelense, Mańǵystaýdyń kishkentaı xanshaıymy ataǵyn Árip Laýra jeńip aldy. Endi eń kishkentaı búldirshin Laýra Grekııa elinde ótetin «Álemniń kishkentaı sýper modeli» xalyqaralyq baıqaýyna qatysyp, Qazaqstan namysyn qorǵamaq.
Gúlaıym ShYNTEMIRQYZY,
«Egemen Qazagstan»
Mańǵystaý oblysy