Áskerı aspazdar saıysy

Halyqaralyq áskerı yn­ty­­maq­tastyqty jáne ás­ke­­rı-tehnıkalyq serik­tes­tikti ny­ǵaıtý, áskerı qyz­met­tiń márte­besin ósirý, ja­ýyn­ger­­lik daıarlyqtaǵy báse­­ke­les­tik­ti arttyrý jáne áskerı-ar­na­­ıy tehnı­ka­­lar­dyń múm­kin­­dikterin kórsetý maq­sa­tyn­daǵy «Da­lalyq ashana» baı­qaýynda áskerı aspazdar she­ber aspazdyǵyn, ári úzdik áskerı qabiletin kórsetýge múm­kindik aldy. 

«Atys daıarlyǵynan ja­­rys» kezeńi barysynda ás­kerı aspazdardyń mer­gendigi synalsa, «Azyq-túlik ónimderinen mázirge sáıkes taǵam men nan daıyndaý», sondaı-aq «О́z qalaýy bo­ıynsha berilgen azyq-túlik ónimderinen taǵam men nan daıyndaý» kezeńderinde olardyń birinshi, ekinshi jáne úshinshi tamaqtardyń, salqyn tiskebasardyń, nársýdyń reseptige oraı daıyndalýy men onyń sapasy baǵalandy. Dala tósinde saıysqa túsken aspazdardyń mázirinde vı­negret salaty, jazǵy salat, borsh, solıanka, kúrish botqasy bar qýyrylǵan gorbýshka, kartofel qosylǵan langet, múkjıdek morsy, qurǵaq jemisti kompot boldy. Sonymen qosa, áskerıler nan men nan-bólishke ónimderin bekitilgen reseptige saı da­ıyndady. Tamaq jáne nan ónimderin ázirleý úshin áske­rı aspazdar men naýbaıshylar dalalyq jaǵdaıda PP-40 tasymaldaıtyn plıtasyn, KP-30 tasymaldanatyn ashanasyn, KP-130 prısepti ashanasyn jáne prısepti nan ázirleý bloktaryn qoldandy.

«Batys» óńirlik qol­basshylyǵy komanda­sy­nyń quramyna Aqtóbelik 30238 áskerı bólimi men Aq­taý­daǵy 75488 áskerı bóli­minen 2 aspaz ben 2 naý­baıshy kirdi. Búgingi kúni komanda músheleri Qarýly Kúshterdiń irikteý jarysyna qyzý da­ıyndalýda.

Halyqaralyq armııalyq oıyn­dardyń azyq-túlik qyz­meti mamandaryna ara­syn­­da ótkiziletin erekshe qy­­zyq­ty konkýrs bolyp taby­la­tyn atalmysh «Da­la­lyq as­hana» saıysy Reseı Fe­de­rasııasynyń Má­s­keý oblysy «Alabıno» po­lı­go­nynda «Jaqsy aýqat­­tan­sań – urys­ta je­tis­tikke jete­siń» ura­ny­men ótetin bolady. 

Gúlaıym ShYNTEMIRQYZY,

«Egemen Qazaqstan»

Mańǵystaý oblysy