«Nur Otan» partııasynyń kezekti XVIII cezinde Elbasynyń halyqtyń turmys sapasyn jaqsartýǵa baǵyttalǵan tapsyrmasyna oraı Shymkentte kóp balaly analarǵa qyzmet kórsetetin ortalyq qyzmetin bastady. Jańa ortalyqtyń ashylýynda qala ákiminiń orynbasary Gúljan Qurmanbekova analar qaýymymen kezdesip, izglikti bastamaǵa sáttilik tiledi.
– Jetekshi partııasynyń kezekti XVIII cezinde Elbasy áleýmettik salaǵa baılanysty birqatar tapsyrma bergen edi. Qala ákimi Ǵ.Ábdirahymovtyń qoldaýymen tórt aýdannan ortalyq ashyldy. Qazir analarǵa qujat tapsyrý barysy túsindirilýde. Al 1-30 sáýir aralyǵynda áleýmettik kómek alý boıynsha qujat qabyldaý bastalady, - dedi G.Qurmanbekova.
Munan buryn qalada analar keńes surap, qujat ótkizetin mekeme bireý ǵana bolsa, endi tórt aýdannan bólimshe ashylyp otyr. Bul ortalyqtarda turǵyndar úshin yńǵaıly jaǵdaı jasalǵan. Kútý zalynda analar emin-erkin otyra alady.
Aıta keterligi, Shymkentte 30 myńǵa jýyq kóp balaly analar bar. Endi kóp balaly analar áleýmettik kómek alý úshin keńes alyp, qujat ótkizýde (Eńbekshi aýdany boıynsha – Qapal batyr kóshesi, n/ú; Abaı aýdany boıynsha – Mádeli qoja kóshesi, n/ú (halyqqa qyzmet kórsetý ortalyǵynyń ǵımaraty); Ál-Farabı aýdany boıynsha – Sh.Qaldaıaqov kóshei, 13A; Qarataý aýdany boıynsha – Báıdibek bı kóshesi, n/ú.) óz aýdandarynda ashylǵan ortalyqtarǵa bara alady.
Nurshat TО́KEN,
«Egemen Qazaqstan»
ShYMKENT