Qazposhta men Mastercard halyqaralyq tólem júıesi birigip shyǵarǵan jańa E-commerce kartasyn qoldanýshylar ártúrli valıýtadaǵy úsh shotqa baılanystyryp, sol karta arqyly sheteldik dúkenderde taýarlardyń aqysyn konvertasııasyz tólep, kommýnaldyq qyzmetter, salyqtar/bıýdjetke tólemder, uıaly baılanys sekildi qyzmetterdi komıssııasyz tólep, sondaı-aq, ınternet-dúkenderde jáne korporatıvtik post.kz portalynda bonýs ala alady.
E-commerce Mastercard tólem kartasyn shyǵarýdyń basty ıdeıasy - qolma-qol aqshasyz tólemderdi damytý. Biz jańa karta qoldanýshylarymyz úshin jańa beıildilik baǵdarlamasyn da shyǵardyq. Bul baǵdarlama aıasynda klıentterimiz post.kz portaly arqyly qarjy qyzmetteriniń aqysyn tólep, Qazposhtanyń seriktes ınternet-dúkenderinen alǵan taýarlardyń qunyn karta arqyly tólep bonýs ala alady. Bir operasııaǵa beriletin bonýs mólsheri - 50 teńge. Bonýstar klıenttiń bólek bonýstyq shotyna jınalady. Bonýstardy post.kz jáne Qazposhta bólimshelerinde tólemder úshin paıdalanýǵa bolady.
Sondaı-aq, kartanyń artyqshylyqtaryn atap ótsek, ekinshi deńgeıli bankter jelisinde qolma-qol aqshasyz satyp alý somasynan 1% keshbek qaıtarylady, Qazposhta termınaldary arqyly kartadan aqsha alyp, ony toltyrýǵa bolady, tólem kartalary tegin shyǵarylyp, úıge deıin jetkiziledi, karta elektrondyq PIN-kodpen (EPIN) shyǵarylady.
Mastercard tólem júıesimen yntymaqtastyq 3dSecure Code tehnologııasyn avtomattyq túrde qosyp, bir rettik parolmen ınternet jelisindegi tólemderdiń qaýipsizdigin qamtamasyz etedi. Sonymen qatar, karta bir ret basyp satyp alýǵa múmkindik beretin baılanyssyz tólem fýnksııasymen qamtylǵan jáne Mastercard seriktesterinen jeńildikter beredi.
«Bizdiń Qazposhtamen ózara qarym-qatynasymyz birneshe jyl buryn bastalyp, qarqyndy damyp keledi. Biz seriktestigimizdiń jańa kezeńine rızamyz jáne E-commerce kartasyn shyǵarý múmkindigin joǵary baǵalaımyz. Qazposhtanyń ınnovasııaǵa jáne eń ozyq ónimder men qyzmet kórsetý standarttaryn engizýge baǵyttalǵan qazirgi damý vektory MasterCard-tyń elektrondyq tólemderdi damytýdaǵy basymdyqtaryna sáıkes keledi. Kartalardy shyǵarýdaǵy yntymaqtastyq qaýipsiz, qarapaıym jáne yńǵaıly tólem quraldaryn usynýǵa múmkindik beredi», - dep atap ótti Qazaqstandaǵy, Belarýssııadaǵy jáne Armenııadaǵy Mastercard kompanııasynyń jetekshisi Nına Vıllems.