Intellekt júıesi avtomatty túrde tulǵanyń bet-beınesin derekter bazasymen salystyrady, dep habarlaıdy qalalyq ákimdiktiń resmı saıty.
Bul týraly «Astana Innovations» AQ Facebook-tegi resmı paraqshasynda habarlady.
«Bizdiń aqyldy aýdanda úsh domofon endi tulǵany tanı alady (Face Recognition). Eger siz Baraev kóshesindegi №12 úıdiń turǵyny bolsańyz, domofonnyń magnıtti kiltin umytyp nemese joǵaltyp alsańyz, oǵan esh qoryqpaýǵa bolady», – delingen kompanııa habarlamasynda.
Júıe óziniń derekter bazasyndaǵy aqparatpen kelgen adamdy avtomatty túrde salystyrady jáne munda sol úıdiń turǵyndaryna ǵana kireberis esigin ashady. Baza ár turǵynnyń jeke kelisimimen ǵana tolyqtyrylady.
Sonymen qatar, domofon kirý esigin banktik kartamen nemese JRT jol júrý kartasymen (múldem tegin), sondaı-aq mobıldi qosymshanyń kómegimen ashýǵa múmkindik beredi.
Qazaqstanda mundaı tehnologııa joq.
«Aqyldy aýdan» jobasy elordalyq «Jastar» shaǵyn aýdanynyń bazasynda júzege asyrylýda.
«Bizdiń «aqyldy aýdan» jobasy jeke ınvestısııa esebinen júzege asyrylýda. Osy jerde testilenetin barlyq sheshimder, eger óz tıimdiligin dáleldese, qalanyń bar aýmaǵynda qoldanylýy múmkin», – dep atap ótti «Astana Innovations» AQ-da.