Almatydaǵy «Shymbulaq» sport kesheninde taý shańǵysynyń alyp slalom jattyǵýy boıynsha Qazaqstan chempıonatynyń jeńimpazdary men júldegerleri anyqtaldy.
Áıelder arasynda Marııa Grıgorova altynnan alqa taǵyndy. Kúmis medaldi Vıktorııa Kovalenko ıelendi. Aleksandra Troıskaıa úzdik úshtikti qorytyndylady. Erler saıysynda Igor Zakýrdaev top jarsa, Taras Pımenov pen Sergeı Danov júldegerler qataryna qosyldy. Bul sportshylardyń barlyǵy da Almaty qalasynyń ókilderi.
Al 1-4 sáýir aralyǵynda «Shymbulak» taý shańǵysy kýrortynda qysqy Olımpııa oıyndaryna qatysqan Qazaqstannyń tuńǵysh sportshysy, birneshe dúrkin KSRO chempıony ári rekordshysy Aleksandra Artemenkony eske túsirýge arnalǵan halyqaralyq týrnır ótedi.
Ǵalym SÚLEIMEN,
«Egemen Qazaqstan»