Shaıbaly hokkeıden Qazaqstan chempıonatynyń jartylaı fınaldyq saıystar serııasynyń altynshy matchynda Almatynyń «Nomady» Kókshetaýdyń «Arlanyn» 3:1 esebimen utty.
Nur-Sultanda ótken kezdesýdiń birinshi kezeńinde kórermender soǵylǵan goldy kóre alǵan joq. Elordalyq «Barys» KHL-dyń pleı-off básekesinen shyǵyp qalǵannan keıin «Nomadtyń» jeıdesin kıgen Nıkıta Mıhaılıs 35-mınýtta esep ashty. Úshinshi kezeńniń basynda Iаroslav Evdokımov mergendik tanytty. 52-mınýtta Dmıtrıı Shıtıkov esep aıyrmashylyǵyn qysqartqanymen, 56-mınýtta Dmıtrıı Grens tarazy basyn teńestirip, matchtyń sońǵy núktesin qoıdy.
Osylaısha, qos komanda arasyndaǵy básekeler serııasynda tarazy basy teńesti – 3:3. Endi kelesi oıynda jeńgen komanda aqtyq synda kúsh synasý qurmetine ıe bolady. Sol ujym fınalda Atyraýdyń «Beıbarysymen» kúsh synasady.
Ǵalym SÚLEIMEN,
«Egemen Qazaqstan»