Aınur TО́LEÝ
2004 jyly Almatydaǵy qazaq tili men ádebıetin tereńdete oqytatyn Abaı atyndaǵy mektep-ınternattyn bitirgen. 2008 jyly QazUÝ-niń fılologııa fakýltetin aıaqtaǵan. 2016 jyly ádebıettaný mamandyǵy boıynsha «Qazirgi qazaq prozasyndaǵy mıfopoetıka» degen taqyrypta magıstrlik dıssertasııa qorǵady. 2018 jyly «Otqaraq» degen atpen óleńderi men monografııa jáne prozalyq shyǵarmalardan turatyn kitaby shyqty. Qazir Shalqar arnasynan ádebı-tanymdyq «Qus joly» radıojýrnalyn júrgizedi. «Open asia» portalynyń qazaq bóliminde qyzmet atqarady.
Kempirqosaq
Jumyr jerge qarap qoıyp qýanyp,
О́tkinshiniń móldirinen sý alyp,
Shóldemegen qoı-eshkisin sýaryp
Sulý kempir júredi,
Jarylardaı júregi...
Jerdegiler oǵan qarap kúledi
Qalyń bulttan shyqqandaı shyn tilegi
Eljiretken qos álemniń júregin
Kempirqosaq - jer men kóktiń tiregi.
Peıil jáne pıǵylyna qaramaı,
Shashyraıdy túrli-tústi san araı.
Ony kórip qarttyǵyna keıigen
Bir keıýana qýanady baladaı.
Oıyna kep qısyny joq san aıla,
Bir top bala júgiredi araıǵa.
Sulý kempir san aılańa qaraı ma?
Qosaqtaryn saqtaý úshin qalaı da,
О́ń beredi odan saıyn araıǵa.
Has batyrdyń býyndary bosady
Kóringende sol kempirdiń qosaǵy.
Shyǵa qalsa shyn perızat kórikti,
Tilin jutyp qoıar edi bórikti.
Kempir deıdi ony jurt.
Keńkildeıdi neni uǵyp?
Doǵa- bolmys dóńgelek jer sekildi
Kórgen emes zoryǵyp.
Kempirqosaq – doǵa álem,
Domalaqtyń jartysy,
О́z qolymmen bir eskertkish soǵar em
Jıirkenishti oǵan biraq,
Jer betiniń tartysy.
Aspandy ańsaý
Tóńkerilgen qazan syndy teris qyp,
Aspanymdy ańsadym.
Bal men ýyn jer betiniń bólistik
Al men búgin ý ishkennen sharshadym.
Qyzyq eken mekendester, jer degen
Nege bizge bir jola
О́letin ý bermegen?!
Bul mekende kún de joq qoı
Biraq sensiń eń ystyq!
Saǵan qatty unaıdy
Qol ustasyp júre almaıtyn keńistik!
Unaıdy ǵoı,
Saǵan osy jer-meken.
Alys jaqtan aıǵa syrdy
Otyrasyń aqtaryp,
Men jaıynda jerlesińe
Aıta almaısyń, shattanyp!
Eı, ǵızatym!
Mıllardtardyń bólshegi!
Jalǵyzdyǵyn juldyz sanap jubatqan
Túsiniksiz sender jaqtyń ólshemi.
Sonyń úshin bálkim seni unatqam,
Sonyń úshin jaqsy kórem men seni!
Kóktem
Oıandyń ba uıqyńnan,
Kún qytyqtap turǵyzdy ma taǵy da
Myń sáýleler túrtken shyǵar men bolyp
Shydaı almaı uıqydaǵy shaǵyńa.
Súıgim kelgen aýadaǵy únińdi,
Aıtqym kelgen shynymdy.
Meniń janym Zaý aspannan sen jaqqa
Jaryq bolyp jyǵyldy.
Shýaq bolyp qulady.
Tursańshy endi kóktemim,
Ras edi asyqqanym,jetkenim!
Mynaý mańǵaz dúnıeni sen úshin
Tárk etpedim, ketpedim!
Aq kórpeniń astynda
Jatyrmysyń nalyp kóp.
Kirpigińe qonaıyn
Kúnnen tamǵan jaryq bop!
Túsinetin shyǵarsyń
Meni ylǵı qınaıdy
Ýaqyttyń keltesi,
Kózderińdi asha ǵoı
Kúlli álemniń erkesi!
Tirimiz
Armandadyq oınasaq dep Aıdy alyp,
Kórsek dedik bir-bir Kúnge aınalyp.
Keıin nege janymyzdy aıaýly,
Tirshilikke aqtyq etip baıladyq?
О́tip jatyr salqyn kóktem, jyly kúz.
Men esenmin, Cen de amansyn, Tirimiz.
Saǵynamyz, cóıte tura nege osy,
Izdemeımiz birimizdi-birimiz?
Aıtylmasa, sheriń qalaı tarqamaq?
Júrmiz muńdy munsha nege arqalap?
Mezgilderge meıirlene qaradym,
Ajarymdy ajalymnan qalqalap.
Hat
Bizdiń ǵasyr burynǵydaı
Sóz tizbeıdi paraqqa
Hat keledi,
Hat óledi zamatta!
Alańdamaı,
Maǵan qaraı
Sóz ushady qulshynyp,
Sodan keıin sónip keter
Ýaqytqa tunshyǵyp.
Saǵan ushty janymnyń bir parasy
Sózge sińip mendegi muń, sabyr, dem!
Jatyrqamaı jazǵanyma qarashy...
Hat kelmeıdi qabirden!
Sáýle syndy keńistikte kósilgen
Júırik sózder-júrekterdiń sybyry.
О́shken oıdy dál ózimdeı keshirgem,
Dál О́zińdi keshirgendeı burynǵy.
Juldyz-júrek
Jalǵyzym!
Jyraqtaǵy jubanyshym!
Jantózgisiz kúıimniń shydamysyń.
Sen úshin kúlli álemge kúlip qarap,
Móltildep arǵy jaqta turady ishim!
Meni keıde mundaǵy jasytty arman,
Jer jalyqqan jylańqy ǵashyqtardan.
Juldyz edi júregim ińkárlikpen,
Qus jolynan ózińe qashyp tamǵan...
Jel tursa bıleı salar myń buralyp,
Qaıyńdar baıaǵydan jyndy halyq.
Seni de samal bolyp túrtip em ǵoı,
Miz baqpadyń, sol tustan jyljymadyq!
Jaryǵym, janyń nege qulyptaýly?
Jek kórýdi, sodan soń ulyqtaýdy,
Kimnen, qashan úırendim esimde joq,
Osynshalyq súıýdi, umytpaýdy.
Kúbir
Sal dáýrenniń salbyraǵan Áz basyn,
Albyratyp kóterýden qysylmaı,
Súrttim túnde bir dáýirdiń kóz jasyn,
Jylap turdy qalamymnyń ushynda Aı!
Juldyzdardy sóz qyp tizip aspanǵa,
О́leń jazdym jaryqtardyń tilinde.
Qonyp jatty kóleńkesi jasqanbaı,
Aq qaǵazǵa jazý bolyp kúbirlep.
Kóz jasymnyń kóleńkesin tanydym,
Juldyz etip bir kezderi ornatqam.
Mólt ete qap meıirimdi jaryǵym,
О́leń bolyp tamyp turdy ol jaqtan!
Qala
Kóshesinde temir kóshi,
Tynshymaıdy bul qala!
Shamdarymen jymıyp,
Oǵan qymbat
qun suraıdy buldana!
Bul qala ma –
Kóktemimdi qymyz qylyp simirip,
Jastyǵymdy jutyp jatqan qulǵana!
Mańǵaz qala kir etegin jasyrmaı,
Jymııady juldyz syndy janarmen
Basynan sóz asyrmaı.
Aýzyn ashyp álemde joq aranmen.
San qııaldyń qyrqyp tastap qanatyn.
Juldyz jaıly oılamaıdy qala tym.
Aspan oǵan ne kerek?
Áz oty bar óz ishinde janatyn!
Ury-ýaqyt onyń izgi dosyndaı,
Qalǵan oǵan taǵdyrymyz arbalyp,
Ekeýmizdiń júregimiz jylaǵanda qosylmaı,
Qala turǵan qyzyl-jasyl sham jaǵyp.
Jasyrmaımyn,
jıi kórem jıren kúzdi túsimde,
Kómeıime kómiledi kóp oılar.
Biz adastyq osy qala ishinde,
Osy kúzde
adasady bizdeı taǵy talaılar!
Allo!
Seniń janyń dirildeıdi tamaǵyńda,
Tirisiń!
Mańyzdy emes kim úshin
Tirlik keship júrgeniń!
Kúlli álemniń tyńdaǵandaı tynysyn.
Meniń mynaý turysym!
«Allo» deısiń
Dir-dir etip dybysyń
Kim ekenin bilgiń kelip
Qashty ma eken tynyshyń!
Tamaǵyńda dirdektegen jan dybysyn estigen
Meniń kúıim qurysyn!
Júregimdi aıaımyn,
Qozǵalyssyz saǵan qaraı júgirgen
Daýa izdegen seniń qońyr únińnen.
Tanymadyń beısharany sen qalaı
Aıaqsyz-aq aldyńa kep súringen!
Jatyrqaý
Jumyr tirlik kún jolynda
Bara jatty aınalyp,
Bul joly da ekeýmiz
Atqylasyp ýaqytpen oınadyq!
Terezeden shashyraǵan shamdardyń
Jaryǵyndaı tym álsiz,
Úlpildegen sezimińe tańǵaldym,
Tynystaǵan kúmánsiz,
Aınaldyryp qııalyńdy qyljaqqa,
Munda eshkim ertegige senbeıdi.
Ekeý jaıly áńgimeni bul jaqta,
Eshkimniń de estigisi kelmeıdi.
Málim edi kózińdegi ot maǵan,
О́z otymdy jazbaı birden tanydym.
Adamy mol,
Jalǵyzdyǵy Adamynan kóp qala
Jatyrqaıdy ekeýmizdi, Jaryǵym!