Áıelder qaýymy kásipkerlikke serpin beredi

Qazaqstandaǵy «BUU-áıel­der» qurylymynyń ókili Ileın Konkıevıchtiń aıtýynsha, el­diń ekono­mıkasy jańa qarqyn­men damy­ǵan saıyn áıel­der qaýy­mynyń da úlesi arta túsýi tıis. Qazirgi jaǵdaıda ekono­mı­ka­ǵa belgili bir deńgeıde úles qosyp otyrǵan shaǵyn jáne orta kásipkerlik salasynda názik­jan­dylardyń belsendiligi artqa­ny­men, aýqymdy bastama­lar­da, iri jobalarda áıelder qaýymy­nyń qatary qalyń dep aıtýǵa kelmeıdi. BUU-nyń ókili áıel­der men erler arasyndaǵy jala­qy aıyrmashylyǵy da tym alshaq degen pikir bildirdi. Osyndaı olqylyqtarmen kúresý maqsa­tyn­da eń aldymen keıbir maman­dyq­tarǵa shekteý qoıý máse­le­sin sheshý qajettigi týyndap otyr. Mysaly, respýblıka boıynsha qury­lys salasynyń 79,8 paıyzy er-azamattarǵa tıesili bolsa, qalǵan 20 paıyzy ǵana áıelderdiń úlesinde. Sonymen qatar taý-ken óndirisi, munaı óńdeý salasy jáne de kólik-logıstıkalyq salalardyń basym bóliginde jumyspen qamtylyp otyrǵan er-azamattar ekeni anyqtalǵan. Belgili bolǵandaı, názikjandylar men er-azamattardyń bilim alý deńgeıi bir bolǵanymen, mamandyǵy boıynsha jumysqa ornalasyp, qyzmettik jolyn qalyptastyrǵan áıelder az.  − Búgingi shara elimizdegi áıel­der­diń ekonomıkalyq múmkin­dik­terin baǵalaýǵa jáne ony art­tyrýǵa baǵyttalyp otyr. Aldy­men, áıelder jumys oryndary boıynsha konkýrstarǵa qatysa alatyndaı áleýmettik júıeni qol­daý kerek», deıdi ol. Ileın Kon­ke­vıchtiń aıtýynsha, erler men áıelderdiń aılyqtarynyń arasyn­da­ǵy aıyrma 33 paıyzdy quraıdy. − Qazirgi tańda áıelder er adam­dar­dyń aılyǵynyń 67 paıyzyn ǵana alyp otyr. Álbette, iri kompanııalardy basqaryp otyrǵan áıelderdiń baryn aıta ketý kerek. Dese de, olardyń sany az. Biz óz baǵdarlamalarymyz arqy­ly aýyldaǵy áıelderge qoldaý kórsetip, olardyń bel­sen­di­li­gin arttyrmaqpyz. Bul úshin biz názikjandylardyń qarjy jaǵy­nan ózgelerden táýelsiz bolýyna, bıznes qyzmetter men qarjy quraldarynyń qoljetimdi bolýyna kóńil bólemiz. Sondaı-aq áıelderdiń quqyqtyq saýat­ty­ly­ǵyn arttyrýǵa jaǵdaı jasaýdamyz, – dedi Ileın Konkıevıch.  Jıynda sóz alǵan Áıelder isteri jónindegi Ulttyq komıssııa tóraǵasynyń orynbasary Elena Tarasenko HIH ǵasyrdyń áıelderi qyzmet pen otbasyn qatar alyp júrýge beıimdelgen, qarjylyq jaǵynan táýelsiz, óz bastamalaryn júzege asyra alatyn qabiletke ıe ekenin aıtady. − Qazaqstannyń IJО́-degi áıel­derdiń úlesi – 38,2 paıyzdy quraı­dy. Búgingi jańa tehnologııalar keńinen qoldanysqa engen zamanda áıelder qaýymy da osy úderiske mashyqtanyp keledi, – dedi ol.  Atalǵan shara aıasynda Beıjiń deklarasııasy men is-áreketter tujyrymdamasyn júzege asyrý boıynsha Ulttyq komıssııa men múddeli memlekettik organdardyń birle­sip daıyndaǵan jobasy talqy­landy.