Memleket basshysy «Borealis» kompanııasymen yntymaqtastyq jasaýdyń mańyzdylyǵyn atap ótip, Qazaqstanda iri jobalardy júzege asyrýdyń máni zor ekenin aıtty. Bul týraly Aqordanyń baspasóz qyzmeti habarlady.
– Men ózara yqpaldastyǵymyzǵa qatysty kún tártibindegi ózekti másele jóninde, ásirese, aldaǵy ýaqytta júzege asyrylatyn Atyraý oblysyndaǵy gaz jáne hımııa kesheniniń qurylysy týraly Sizben pikir almasqym keledi, – dedi Qasym-Jomart Toqaev.
Kezdesý barysynda Qazaqstan Prezıdentine «Borealis» kompanııasynyń elimizdegi negizgi jobalary men olardyń júzege asyrylý perspektıvalary jóninde baıandaldy.
A.Shtern ózara yqpaldastyqtyń joǵary deńgeıin atap ótip, Qazaqstanda jumys isteýge múmkindik berip, qoldaý kórsetkeni úshin Memleket basshysyna alǵys aıtty.