Sársenbi, 25 qańtar 2012 6:15
Jýyrda Aqtóbe oblysynyń IID uıymdasqan qylmysqa qarsy kúres basqarmasynyń qyzmetkerleri qaladaǵy zańsyz jasyryn jumys jasap turǵan oıynhanany anyqtap, kóleńkeli bıznestiń jolyn kesti.IID qyzmetkerlerine oblys ortalyǵynda Álııa Moldaǵulova dańǵylyndaǵy úılerdiń páteriniń birinde zańsyz oıyn avtomattarynyń zaly jumys jasaıtyndyǵy týraly jedel aqparat túskendikten osy málimettiń anyq-qanyǵy tekserildi. Jedel izdestirý sharalary barysyndaǵy prokýror sanksııasy boıynsha nysandy tintý kezinde 14 oıyn avtomattary, 1 elektrondyq rýletka jáne 93700 teńge aqsha tárkilendi.
Sársenbi, 25 qańtar 2012 6:15
Jýyrda Aqtóbe oblysynyń IID uıymdasqan qylmysqa qarsy kúres basqarmasynyń qyzmetkerleri qaladaǵy zańsyz jasyryn jumys jasap turǵan oıynhanany anyqtap, kóleńkeli bıznestiń jolyn kesti.IID qyzmetkerlerine oblys ortalyǵynda Álııa Moldaǵulova dańǵylyndaǵy úılerdiń páteriniń birinde zańsyz oıyn avtomattarynyń zaly jumys jasaıtyndyǵy týraly jedel aqparat túskendikten osy málimettiń anyq-qanyǵy tekserildi. Jedel izdestirý sharalary barysyndaǵy prokýror sanksııasy boıynsha nysandy tintý kezinde 14 oıyn avtomattary, 1 elektrondyq rýletka jáne 93700 teńge aqsha tárkilendi. Bul kezde operator, barmen jáne kúzetshi, sonymen qatar, 3 qumar oıynshy nysan ishinde bolǵan. Aldyn ala tergeý barysynda oıynhana nysanynda oınaýshy azamattar oıyn avtomattaryn oınar aldynda páterge kelmes buryn bir-birimen telefon arqyly kelý ýaqyttaryn kelisip alatyn bolypty. Páterdegi oıynhana kúndiz-túni úzilissiz jumys jasap, kósheden kirer esikke arnaıy beınebaqylaý ornatylǵan. Bir táýlikte túsetin oıynhana klýbynyń tabysy 200-400 myń teńge eken. Osy derek boıynsha QR QK 269-shy «Zańsyz oıyn bıznesin uıymdastyrý» babyna sáıkes qylmystyq is qozǵaldy.
Mádı QÝANYShULY.