Beriletin turǵyn úılerde 246 páter bar, onyń ishinde bir bólmeli páter - 82 dana, eki bólmeli páter - 82 dana, úsh bólmeli páter - 82 dana.
«7-20-25» baǵdarlamasy boıynsha tólem qabilettiligi rastalǵan azamattar jyldyq mólsheri 7 paıyzdy quraıtyn, bastapqy jarnasy - 20 paıyz, merzimi 25 jylǵa deıin beriletin nesıelendirý sharttarymen turǵyn úı alýǵa bolady.
Baǵdarlamaǵa qatysý sharttary:
- Qazaqstan Respýblıkasynyń azamaty;
- Ipotekalyq nesıelerdiń bolmaýy;
- Tabystyń bolýy;
- Baspananyń bolmaýy.
Bul baǵdarlamany nesıelendirý boıynsha ekinshi deńgeıli 8 bank jumys atqarýda. Olar: «Bank Sentr kredıt» AQ, «Eýrazııalyq Bank» AQ, «ATF bank» AQ, «Sesnabank» AQ, «Bank RBK», «Qazaqstan Halyq Banki» AQ, «Forte Bank» AQ, «Sberbank»AQ.
Baǵdarlamanyń negizgi talaptaryna sáıkes úmitkerler belgili bir páter túrine ótinish beredi jáne mynadaı qujattardy usynady:
1. О́tinish berýshi men onyń otbasy músheleriniń jeke basyn kýálandyratyn qujat;
2. О́tinish berýshi men onymen turaqty birge turatyn otbasy múshelerin turǵylyqty jeri boıynsha tirkeý týraly mekenjaı anyqtamasy;
3. ıpotekalyq jyljylmaıtyn múlik úı qaryzdarynyń joǵyn dáleldeıtin kredıttik bıýroniń kredıttik esebi.
Árbir azamat tólem qabilettiligin rastaý kezeńinde banktiń talaby boıynsha qajetti qujattardy usynady. Eger ótinish berýshi tıisti kiristi rastamasa, onda kelesi ótinish berýshilerdiń aldyn ala tizimderinen irikteý júrgiziledi.
О́tinimder men qujattar Shymkent qalasy ákimdiginiń Halyqtyq keńsesinde qabyldanady. Mekenjaıy: Shymkent qalasy, Respýblıka dańǵyly , №12a, 1-qabat.