Sońǵy eki jylda óńirde 2000 shaqyrymnan astam jol jóndeldi. Onyń ishinde oblystyń iri qalalaryndaǵy barlyq negizgi kóshelerindegi joldar qalypqa keltirilgen. Qaraǵandyda tek ótken jyldyń ózinde 70 kóshede jóndeý jumystary júrgizildi.
Qoǵamdyq keńes músheleri qazirgi tańda turǵyndar eldi mekenderdegi joldardyń jaǵdaıyn synǵa alyp júrgenin atap ótti.
- Qaraǵandylyqtardyń jol jóndeý jumystaryna qatysty barly narazylyqtary durys. Kepildik qyzmet kórsetý týraly eske salǵym keledi. Biz merdiger uıymdardy kepildik boıynsha óz mindettemelerin oryndaýǵa mindetteımiz, - dep atap ótti Erlan Qoshanov.
Oblys ákimi aqaýy bar jol ýchaskelerin atady. Ol Sátbaev, Gogol, Kosmonavtar kósheleri, Vostok 1-2-3 yqsham aýdandaryndaǵy, 12 yqsham aýdandaǵy aınalma joldar. Sondaı-aq Sovhoznaıa, Lenın, Mendeleev, Gýdermesskaıa, B. Momyshuly, Mahmetov, Satybaldın, Progress, Krylov, Bajenov kósheleri, B. Jyraý jáne Respýblıka dańǵyldary.
- Aýa-raıynyń qolaıly bolǵan bette, onda jóndeý jumystary bastalady, - dedi aımaq basshysy.
Osy jazda Qaraǵandyda Qurylysshylar dańǵylynda eki jyldyq jóndeý jumystary aıaqtalady. О́tken jyly sý qubyry jáne jylý jelileriniń bir bóligi aýystyryldy. Qazir nóser káriz júıesi salynýda. Al kún jylyǵan kezde jumysshylar asfaltbetondy, jıek tastardy aýystyryp, tehnıkalyq jaýıa júrginshiler jolyn jasap, jaryqtandyrý ornata bastaıdy. Barlyq jumystar kúzge qaraı aıaqtalýy tıis.
Sondaı-aq, aımaq basshysy Maıqudyqtaǵy K. Marks jáne Magnıtogorskaıa kóshelerindegi joldyń bir bóligin jóndeý týraly josparlarymen bólisti. Bul joldarda shuńqyrlardy biteý jumystarymen ǵana shektelip qoıýǵa múmkin emes, sondyqtan jaıaý júrginshiler joldary, sý aǵarn kárizderi, jaryqtandyrý jáne jol qıylysy júıelerin jańartýdy qarastyratyn jóndeý jumystarynyń jobasy quryldy. Atalmysh jumystar bıylǵy jyly bastalady dep josparlanýda. Sondaı-aq, 2019 jyly 7 magıstralǵa aǵymdaǵy jóndeý júrgizlýi tıis.
Qazir Qaraǵandyda 166 jol kepildendirlgen merzimde (2016 jyly – 25 kóshe, 2017 jyly – 71 kóshe, 2018 jyly – 70 kóshe). Shuńqyrlar, jaryqtar, jol jabynynyń joǵarǵy qabatynyń buzylýy 19 ýchaskede paıda boldy.
Búgingi tańda barlyq kepildi joldar tekserildi. Barlyq merdigerlik uıymdarǵa anyqtalǵan aqaýlardy joıý boıynsha uıǵarymdar berildi. Jóndeý jumystary 20 sáýirden keıin bastalady.