Senim men qaýipsizdikti nyǵaıtý sharalary týraly Vena qujaty aıasynda Nıderlandy jáne Fransııa ókilderiniń qatysýymen Amerıka Qurama Shtattarynyń baǵasy boıynsha Taldyqorǵan qalasynda shoǵyrlanǵan áskerı bólimderdiń birin tekserdi. Bul týraly Qorǵanys mınıstrliginiń baspasóz qyzmeti habarlady.
Inspeksııanyń maqsaty jyl saıynǵy áskerı aqparat almasý sheńberinde Qazaqstan Respýblıkasy usynǵan qarý-jaraq pen áskerı tehnıkanyń negizgi júıeleriniń sany, jeke quramnyń sany týraly derekterdi baǵalaý bolyp tabylady. Brıgadaǵa barý kezinde ınspeksııalyq topqa qarý-jaraq pen áskerı tehnıkanyń negizgi úlgilerimen, jeke quramnyń oqý prosesi jáne kúndelikti qyzmetimen tanysý múmkindigi usynyldy. Mundaı saparlar óziniń ulttyq aýmaqtarynda sheteldik áskerı ınspeksııalardy qabyldaý EQYU-nyń kez kelgen qatysýshy memleketiniń mindettemeleri týraly Vena qujatyna sáıkes ótkiziledi. EQYU áskerı-saıası ólshem sheńberindegi is-sharalardyń oryndalýy Qazaqstan Respýblıkasy qyzmetiniń basymdyq baǵyttarynyń biri bolyp tabylatynyn aıta ketý qajet.