Jalpy, Qazaqstan $3,2 mlrd somasyna AО́K ónimderin eksporttaǵan, bul 2018 jylǵa arnalǵan AО́K memlekettik baǵdarlamasynyń maqsatty ındıkatorynan 23%-ǵa artyq jáne 2017 jylǵy kórsetkishten 26%-ǵa joǵary.
AО́K ónimderiniń eksporty boıynsha memlekettik baǵdarlamanyń josparly kórsetkishteri Atyraý, Shyǵys Qazaqstan, Soltústik Qazaqstan, Batys Qazaqstan, Aqtóbe oblystary jáne Nur-Sultan qalasynyń eksporty kólemi esebinen asyra oryndaldy.
О́ńdelgen aýyl sharýashylyǵy óniminiń eksporty
О́ńdelgen ónim eksportynyń úlesi 37% ($1,1 mlrd) qurady.
«Aýyl sharýashylyǵy mınıstrliginiń jobalyq keńsesi aıasynda mundaı jumys alǵash ret ótkizildi jáne biz alǵash ret AО́K ónimderi eksportynyń qorytyndysyn tolyqqandy talqylap otyrmyz, árbir pozısııa boıynsha ár óńirdiń úlesin de bilemiz, qandaı óńir qaı elge qandaı ónimdi eksporttaıtynyn da dál aıta alamyz. Men bul óte mańyzdy dep sanaımyn, sebebi bul jergilikti atqarýshy organdar úshin jalpy AО́K ónimderiniń eksportyn arttyrý máselelerinde de, aýyl sharýashylyǵy ónimderin óńdeý kólemin arttyrýda da óz jumystaryn jandandyrýda baǵdar bolady jáne osylaısha olar QR Tuńǵysh Prezıdenti – Elbasy óńdelgen ónim eksportyn arttyrý boıynsha qoıǵan mindetti oryndaı alady», — dedi G. Isaeva.
О́ńdelgen aýyl sharýashylyǵy óniminiń eksporty boıynsha kósh basynda (aqshalyq máninde) Qostanaı, Túrkistan oblystary jáne Shymkent pen Almaty qalalary tur.
«Bul úsh oblystyń úlesi óńdelgen ónim eksporty kóleminen 64% qurady. Árıne, basqa oblystarǵa da óńdelgen ónim eksportynda óz úlesteri men naqty máninde de, aqshalaı máninde de naqty sandardy ulǵaıtý úshin óńdeý salasyn belsene damytý qajet», — dedi vıse-mınıstr.
Et eksporty
Vıse-mınıstr G. Isaeva et eksportyna jeke toqtaldy. Máselen, 2018 jyldyń qorytyndysy boıynsha Qazaqstan álemniń 11 eline 33 myń tonna et eksporttady.
Sıyr eti eksportynyń kólemi berilgen veterınarlyq sertıfıkattar negizinde 19,95 myń tonnany qurady (salystyrý úshin 2017 jyly – 5,5 myń tonna). Sıyr eti eksporty boıynsha kóshbasshy óńirler — Túrkistan (5000 t), Aqtóbe jáne Almaty oblysy (4000 tonnadan). Sıyr etin negizgi eksporttaýshylar — 20 qazaqstandyq kásiporyn. Eksporttaýshy kásiporyndardyń óńirdegi usaq jáne ortasha fermerlik sharýashylyqtarmen birge zákirli kooperasııada jumys isteýi mańyzdy. Etti mal sharýashylyǵyna barlyǵy 19 myńnan asa fermerlik sharýashylyq tartylǵan.
Sonymen qatar , G. Isaeva AО́K salasyndaǵy qazaqstandyq kásiporyndardyń shet elderdiń tizilimine enýi týraly aıtyp berdi.
DSU halyqaralyq saýda, ımporttaýshy elder erejelerine sáıkes, mal sharýashylyǵy ónimderi men azyǵynyń eksportyn veterınarlyq qyzmet kepildigi men ınspeksııasy qorytyndysy boıynsha Tizilimge engen kásiporyndar ǵana júrgize alady.
Bıylǵy 1 sáýirdegi jaǵdaı boıynsha úshinshi elder men EAEO tiziliminde mal sharýashylyǵy ónimderin óndirý jáne qaıta óńdeý boıynsha qazaqstandyq 2018 kásiporyn engizilgen. Sonymen qatar jekelegen elder (mysaly QHR) ósimdik sharýashylyǵy ónimderiniń ımportynda eksporttaýshy eldiń karantındik qyzmetiniń kepildigin nemese ınspeksııa júrgizýdi talap etedi.
О́simdik sharýashylyǵy ónimderiniń eksporty
2019 jyldyń 3 aıyndaǵy jumys qorytyndylaryn shyǵara otyryp, G. Isaeva 7,7 myń tonna et, 3,4 mln tonna ósimdik sharýashylyǵy ónimderi eksporttalǵanyn habarlady.
О́simdik sharýashylyǵy ónimderin óndiretin jáne óńdeıtin 539 qazaqstandyq kásiporyn QHR men EAEO tizilimine engen.