Qurylys qaǵıdasyn saqtaýda qyraǵylyq qajet

Jambyl oblystyq memlekettik sáýlet-qurylys baqylaý basqarmasynyń málimetine súıensek, baqylaý jumystary – jospardan tys tekserýler jáne profılaktıkalyq baqy­laý men qadaǵalaý nysanynda júzege asy­ry­lady eken. «Profılaktıkalyq baqy­laý nysany aǵymdaǵy jyldyń mamyr aıy­nan zańǵa engizilip, kelesi jyldan bastap jú­zege asyrylatyn bolady. Al jospardan tys tekserýler elimizdiń Kásipkerlik ko­deksi­niń 144-babyna sáıkes, adamnyń ómiri­ne, densaýlyǵyna, qorshaǵan ortaǵa, jeke jáne zańdy tulǵalardyń, memlekettiń zańdy múddelerine zııan keltirýdiń naqty faktileri jeke jáne zańdy tulǵalardyń, memlekettik organdardyń ótinishteri, materıaldary negizinde bolady. Kelip túsken ótinishter, materıaldar boıynsha baqylaý jáne qadaǵalaý sýbektisine (obektisine) barý arqyly tekserýdi taǵaıyndaý týraly akt quqyqtyq statıstıka jáne arnaıy esepke alý salasyndaǵy ýákiletti organda mindetti túrde tirkeledi. Basqarma jospardan tys tekserýdi júrgizýdiń bastalatyny týraly olar bastalǵanǵa deıin keminde bir táýlik buryn baqylaý jáne qadaǵalaý sýbektisine habarlaıdy. «Sáýlet, qala qurylysy jáne qurylys qyzmeti týraly» zańynyń talaptaryna sáıkes, tapsyrys berýshiler qurylys-montaj jumystarynyń bastalýy týraly habarlama tapsyrýlary qajet», deıdi atalǵan basqarmanyń basshysy Qanat Aıtqulov. 

Bul rette byltyr 9 aı ishinde qurylys-montaj jumystarynyń bastalǵany týraly 198 habarlama qabyldanypty. Onyń ishinde 118 nysan memlekettik, al 80 nysan jekemenshik bolyp otyr eken. Sonymen qatar jyl basynan beri barlyǵy 2546 hat qaralsa, jeke jáne zańdy tulǵalardan 146 aryz-shaǵym túsip, onyń barlyǵy qoldanystaǵy zańnamalar talaptaryna sáıkes qaralyp, árqaısysyna dáleldi jaýaptar berilipti. 

Elbasy óziniń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda halyqtyń turmys sapasyn arttyrý úshin birqatar basymdyqtardy jarııa etken bolatyn. Sonyń ishinde Prezıdent qurylystardyń, ǵımarattar men nysandardyń sapaly ári turǵyndarǵa qaýipsiz bolýy úshin baqylaý jumystaryn kúsheıtý, olardyń sáýlet, qala qurylysy jáne qurylys zańdary men normalaryna tolyq sáıkestikte bolýy qajettiligin atap ótti. Bul árıne birinshi kezekte qurylysqa qatysýshylar tarapynan ıaǵnı, tapsyrysshylar men merdigerler, tehnıkalyq jáne avtorlyq qadaǵalaýshylarmen qurylystyń sapasyna basty kóńil bólip, onyń berik ári senimdi bolýyn qadaǵalaýdy mindetteıdi. Al Elbasy Joldaýynan týyndaıtyn osynaý mindetterdi júzege asyrý óńirde qanshalyqty belsendi júrgizilip keledi? 

Máselen, Taraz qalasynyń ózinde jabaıy saýda núkteleri men beıbereket ornalasqan saý­da oryndary áli de bar. Kezinde oblys jáne qala basshylyǵy birlesip, birqatar zańsyz saýda núkteleriniń kózin joıǵanymen, ony túbirimen joq qylý múmkin bolmaı tur. «Osy oraıda óńir basshysy Asqar Myrzahmetov oblys aýmaǵyndaǵy beıbereket qurylystardyń aldyn alý maqsatynda sharalar qabyldaý boıynsha naqty tapsyrmalar bergen bolatyn. О́z kezeginde, oblys ákiminiń orynbasary Erkebulan Daýylbaevpen 2018 jyldyń 16 shildesinde aýdandar men Taraz qalasynda zań­syz, negizgi qujattarsyz jáne sapasyz júr­gizilip jatqan qurylystardyń aldyn alý, boldyrmaý maqsatynda is-sharalar jos­pary bekitildi. Is-sharalar josparyn oryndaý maqsatynda basqarmamen qurylysqa qatysý­shy tulǵalardyń óz mindetterin durys oryndaýyn baqylaý, zańsyz, óz betimen salynǵan qury­lystardy boldyrmaý boıynsha sharalar qa­byl­danýda», deıdi basqarma basshysy. 

Osy ýaqyt aralyǵynda oblys aýmaǵyn­daǵy qurylysy júrgizilip jatqan nysan­­dar­ǵa barlyǵy 123 tekserý jumystary júr­­gi­zilgen eken. Bul rette júrgizilgen tek­serý­lerdiń qorytyndylaryna sáıkes, buzý­shy­lyqtar anyqtalǵan nysandar boıynsha 51 nusqama berilip, 112 ákimshilik-quqyq buzý­­shy­lyq týraly is qaralǵan. Nátıjesinde 18 mıllıon 998 myń 298 teńge ákimshilik aıyp­pul salynǵan. Q.Aıtqulovtyń aıtýynsha, Taraz qalasynda 1 nysan zańsyz salynǵany úshin sot sheshiminiń negizinde buzdyrylǵan. Nysandy buzdyrý úshin jyl basynan 8 ákimshilik quqyq buzýshylyq týraly hattama toltyrylyp, sotqa joldanǵan. Onyń ishinde 2 nysandy buzdyrý týraly sheshim shyqsa, 4 materıal boıynsha sýdıalar tek aıyp­pulmen shektelgen. Qazirgi ýaqytta 2 is sotta qaralýda eken. «Buǵan qosa, Taraz qalasynda japsarlas zańsyz qurylysty buzdyrý úshin azamattyq tártipte talap-aryz joldanǵan. Qazirgi ýaqytta Taraz qa­lalyq sotymen qaralýda. Sonymen qatar qurylys nysandaryn zań buzýshylyqpen salyp, keıin kinásin moıyndap, sottyń sheshiminsiz óz erkimen buzdyryp jatqan azamattar da bar. Qalada qurylys retteý syzyqtaryn saqtamaı salyp, qurylys nor­malaryn buzǵany úshin nysan ıesi ákimshilik jaýapkershilikke tartylyp, buzýshylyqtarmen salynǵan ǵımarattyń bir bóligin óz erkimen buzdy. Buǵan qosa, bas­qarma sáýlet, qala qurylysy jáne qury­lys qyzmeti salasyndaǵy jumystardy lısen­zııalaý jáne ınjınırıngtik qyzmetti júzege asyratyn tulǵalardy attestattaý boıynsha memlekettik qyzmet kórsetedi», deıdi ol.

Atalǵan basqarmanyń málimetinshe, byltyr 9 aı ishinde sáýlet, qala qurylysy jáne qurylys qyzmeti sala­synda jumys isteýge memlekettik lısenzııa alý úshin 178 ótinish qabyldanǵan. Onyń 7-eýi qaralý ústinde, berilgen lısenzııa – 57, al qaıta resimdelgeni – 52, berýden bas tar­tylǵany – 42 lısenzııa. Sonymen qatar qo­symsha jumys túrlerine 10 lısenzııa be­rilgen. Attestasııalaý boıynsha jyl basy­nan beri 293 ótinish qabyldansa, 105 ótinish attestasııalaýdan ótip, 133 ótinish ótpegen jáne 31 ótinish qaǵaz tasymal­daǵysh­tan elektrondy formatqa qaıta resimdelgen.

Búginde Taraz qalasynyń sáýlettik kel­be­tin arttyrý maqsatynda kóptegen jobalar qolǵa alyndy. Degenmen, tıisti memlekettik mekemeler tarapynan qurylys qaǵıdasyna qyraǵylyq tanytý qajet-aq. Júıe bolsa ǵana istiń berekesi artyp, nátıjesi jaqsy bolmaq.

Jambyl oblysy