«Jas sarbaz» áskerı-patrıottyq qozǵalysynyń tárbıelenýshileri halyqaralyq sport kúnine arnalǵan marafonǵa qatyspaq dep habarlaıdy elorda ákimdiginiń resmı saıty.
Marafon 6 sáýirde Trıatlon parkinde ótedi. Oǵan «Jas sarbaz» qozǵalysynyń 1 myńnan astam tárbıelenýshisi men áskerı qyzmetkerler qatysady. Is-sharany qalalyq qorǵanys isteri jónindegi departament Nur-Sultan ákimdigimen birlesip uıymdastyrýda.
Esterińizge sala keteıik, 6 sáýirde BUU Bas Assambleıasynyń 2013 jylǵy qararymen jarııalanǵan damý men beıbitshilik ıgiligi úshin halyqaralyq sport kúni atalyp ótedi. Qazaqstan, Belarýs, Grýzııa, Makedonııa, Reseı, Rýmynııa jáne Serbııa rezolıýsııanyń demeýshileri boldy.
Bastamashylar sport kúni 23 maýsymda atalyp ótetin Halyqaralyq olımpıada kúnine jaqsy qosymsha bolady dep josparlap otyr.