Taraptar Tuńǵysh Prezıdent Qory men Álemdik ekonomıka jáne saıasat ınstıtýty, sondaı-aq Korea Foundation úkimettik emes uıymymen birlese «Koreı túbegin denýklearızasııalaý. Jahandyq máselelerdi sheshýdegi Qazaqstannyń antııadrolyq tájirıbesi» taqyrybynda jýyrda ótkizgen halyqaralyq dóńgelek ústel boıynsha óz oılarymen bólisti.
«Bizdi Koreıanyń bilim berý, densaýlyq saqtaý salalaryna qatysty ınnovasııalar men jańa tehnologııalary qyzyqtyrady. Qorlarymyzdyń arasyndaǵy nátıjeli qarym-qatynas daryndy jastardy qoldaýǵa jáne adam kapıtalyn damytýǵa baǵyttalǵan jumysty jetildirýge kómektesedi», - dedi Áset Isekeshev.
О́z kezeginde Lı Sı Hen: «Sizderdiń Qorlaryńyzdyń jumys baǵyttary, sonymen qatar eldiń jalpy qarýsyzdaný men ıadrolyq qaýipsizdik ıdeıasyn taratýdaǵy jumysy qyzýǵyshylyq týdyrady», - degen oıyn bildirdi.
Qos tarap basshylary memorandýmda kórsetilgen birlesken jobalardy talqylap, olardy iske asyrýǵa daıyn ekenderin jetkizdi.
2018 jyldyń tamyz aıynda Qazaqstan Respýblıkasynyń Tuńǵysh Prezıdenti – Elbasynyń Qory men Korea Foundation kelisimge kelgen edi. Memorandým adam kapıtalyn damytý úshin birlese jumys isteýdi kózdeıdi, sonymen qatar ınnovasııa, jańa tehnologııalar, aqyldy ekonomıka men áleýmettik damý salasyndaǵy koreı ınstıtýttarymen jáne kompanııalarymen seriktestik ornatý maqsatynda jasalǵan.
Kezdesý sońynda elorda qonaqtaryna Nazarbaev ortalyǵy tanystyryldy.