«Búgingi bıýdjetti naqtylaý týraly zań jobasynyń basty ereksheligi – bıýdjettik shyǵyndardyń basymdyqtaryn qaıta qaraý arqyly, halyqty áleýmettik qoldaýdy kúsheıtý bolyp tabylady», dedi.
Otyrysta senatorlar 2019-2021 jyldarǵa arnalǵan bıýdjetti naqtylaý týraly zań jobalaryn qarap, tolyqtyrýlar jasap, Májiliske qaıtardy.
Talqylaý barysynda depýtattar Úkimet múshelerine suraqtar qoıyp, ózderiniń birqatar syn pikirlerin aıtty.
«Aýyl – El besigi» arnaıy jobasyn iske asyrýǵa 2019-2021 jyldary 90 mlrd teńge kóleminde qarjy bólý tapsyrylǵan.
Osy oraıda senator D.Mýsın joba sheńberinde halyqtyń tyǵyzdyǵy, ınfraqurylymnyń jaǵdaıy, jańa jumys oryndaryn ashý múmkindigi mol 1781 eldi meken iriktelgenmen osy jobany iske asyrýǵa baǵyttalǵan uıymdastyrý sharalary jáne aımaqtyq standarttar júıesin ázirleý jumystarynyń búginge deıin aıaqtalmaǵanyn synǵa aldy.
«Bul kemshilikter jaqynda Parlament Májilisinde AО́K-in damytý boıynsha zań jobasyn talqylaý barysynda da aıtylyp ótti. Búgingi kúngi «Aýyl – El besigi» atty arnaıy jobasy QR Prezıdentiniń Jarlyǵymen bekitilgen «Aýyldyq aýmaqtardy damytýdyń 2004 – 2010 jyldarǵa arnalǵan memlekettik baǵdarlamanyń» ýaqyt talabyna saı jalǵasy retinde sanaýǵa bolady.
Sondaı-aq, ótken jyly QR-ń AО́K-in damytýǵa jáne О́ńirlerdi damytýǵa arnalǵan eki mańyzdy memlekettik baǵdarlamalar qabyldanǵany málim.
Osy oraıda, atalǵan baǵdarlamalardyń sheńberindegi maqsattar men mindetterdiń oryndalýyna jaýapty memlekettik organdar bıýdjetten baǵyttalyp otyrǵan qyrýar qarjyny eń aldymen «tirek» aýyldyq eldi mekender men damý áleýeti joǵary aýyldardyń ınfraqurylymdaryn damytýǵa tıimdi túrde ıgergenderi jón dep sanaımyn», dedi senator.
Sondaı-aq D.Mýsınniń aıtýynsha, jalpy alǵanda, memleket tarapynan aýyldyq aýmaqtardy damytý boıynsha qabyldanǵan baǵdarlamalar jetkilikti, alaıda olardy halyq ıgiligine iske asyrý boıynsha júıeli jumystardy júrgizetin jaýapty jáne úılestirýshi naqty memlekettik organdy anyqtaý qajet.
«Sonymen qatar, agroónerkásiptik keshendi memlekettik qoldaýdyń barlyq sharalary jáne aýyldyq aýmaqtardy damytýdyń sektoraralyq baǵdarlamalaryn biriktirýdi kózdeıtin «Aýyl – El besigi» atty arnaıy jobasyn júzege asyrýdyń biryńǵaı saıasaty aıqyndalýy tıis dep oılaımyz. Atalǵan shara aýyldyq aımaqtardy basqarýda vedomstvoaralyq bytyrańqylyqty eńserýge, sondaı-aq, ortalyq jáne jergilikti atqarýshy organdar, úkimettik emes uıymdar men bıznestiń arasyndaǵy úılesimdi kúsheıtýge óz áserin tıgizeri sózsiz», dedi senator D.Mýsın.