Búgin QR Aýyl sharýashylyǵy mınıstri Saparhan Omarov eń iri amerıkandyq kompanııalar «Tyson Foods, Inc.» - tamaq ónerkásibinde jumys isteıtin transultyq korporasııasymen, «Valmont Industries, Inc.» - mehanıkalyq sýarý mashınalaryn jasaýshy jáne dıstrıbıýtory, «AGCO» - aýyl sharýashylyǵy salasyndaǵy kóshbasshy jáne agronomııa jáne veterınarııa salasyndaǵy agrarlyq ǵylymdy, bilim berýdi jáne zertteýdi damytýǵa mamandanǵan «AgroParisTech», «Agreenium» fransýzdyq kompanııa basshylarymen kezdesti.
Kezdesý barysynda vedomstvo basshysy sheteldik ınvestorlarǵa respýblıka ekonomıkasynyń jańa draıveri - agroónerkásiptik sektoryn damytýdyń memlekettik baǵdarlamasyn tanystyrdy.
Álem boıynsha et eksporttaýshy «Tyson Foods» transulttyq korporasııasyna Mınıstr Qazaqstandaǵy et salasyn damytý baǵdarlamasyn jáne qazaqstandyq et ónimderin syrtqy naryqtarǵa jetkizý josparlarymen tanystyryp jáne qazaqstandyq ettiń eksporttyq áleýetin damytýdy túsindirdi. Korporasııa ókilderi sońǵy jyldary mınıstrliktiń aýyl sharýashylyǵy ónimderine jańa naryqtardy Qytaı, Iran jáne Parsy shyǵanaǵy elderine ashý úshin jasaǵan jumystaryn joǵary baǵalady. Olar Qazaqstannyń Halyqaralyq epızotııalyq bıýrosynan aýsyldan jáne shoshqanyń afrıkalyq obasynan jáne de basqa janýarlar aýrýynan resmı taza aımaq dárejesin alýy mal sharýashylyǵy ónimderiniń halyqaralyq saýdasyna qol jetimdilikti qamtamasyz etýdiń negizi bolyp tabylatynyn atap ótti.
Elbasynyń aldaǵy 10 jylda sýarmaly jer ýchaskelerin 2 mln. gektarǵa deıin keńeıtý týraly tapsyrmasyn oryndaý boıynsha Mınıstrliktiń jospary «Valmont» kompanııasyn qyzyqtyrdy. Investorlar Qazaqstanda jylyna myńǵa jýyq búrikkish mashına shyǵaratyn zaýyt salýǵa daıyn. Joba eki jyl aralyǵynda júzege asyrylady dep josparlanyp otyr. Sonymen qatar, «Valmont» Aqmola oblysynda demonstrasııalyq ferma salýǵa nıetti, onda aýyl sharýashylyǵy salasyndaǵy sońǵy amerıkandyq tehnologııa jetistikteri engiziletin bolady. Ol aýyl sharýashylyǵy boıynsha seriktester men qazaqstandyq stýdentter úshin mańyzdy oqý ortalyǵyna aınalady.
«AGCO» shoshqa ósirý keshenin, jemshóp zaýytyn, foreldi balyq ósirý kásipornyn qurýǵa qyzyǵýshylyq tanytty.
Fransýzdyq «AgroParisTech», «Agreenium» seriktesterimen topyraqtaný, ósimdikterdi qorǵaý jáne mal sharýashylyǵy úsh baǵyty boıynsha magıstratýranyń jańa bilim berý baǵdarlamalary, sondaı-aq aldaǵy bes jylda eki dıplomdyq magıstrlik baǵdarlamalaryn júzege asyrý týraly uzaq merzimdi kelisim jasasýdy talqylady. Bul S.Seıfýllın atyndaǵy Qazaq agrotehnıkalyq ýnıversıtetiniń aýyl sharýashylyǵy mamandyqtary boıynsha mamandar daıarlaý deńgeıin arttyrýǵa, halyqaralyq deńgeıde ǵylymı zertteýlerdi júzege asyrýdy qamtamasyz etýge múmkindik beredi.