Oqý ortalyǵy ken alybynyń eń negizgi tirekti nysandarynyń biri. Munda kelgen Premer-mınıstrdiń orynbasary Gúlshara Ábdiqalyqova men Eńbek jáne áleýmettik qorǵaý mınıstri Berdibek Saparbaevqa Kadrlardy oqytý ortalyǵy dırektorynyń mindetin atqarýshy Ilıa Porhomenko júrip jatqan jumystar jóninde baıandady.
«Bizdiń ortalyqta jumysshylardyń biliktiligin arttyrý, jumystaǵy tehnıkalyq saqtandyrý, jaraqat alýdan saqtaný, kóshbasshylyqqa baýlý sekildi barlyǵy jeti baǵytta oqytamyz. Ortalyqta barlyq jaǵdaı bar, tehnıkalyq jaraqtandyrylǵan. О́tken jyly ortalyq 51600 mamandy qaıta okytyp shyǵardy», dedi Ilıa Porhomenko.
Úkimettiń jumys tobynyń múshesi Berdibek Saparbaev jumysshylardyń aılyq jalaqysyn surady.
«Ortasha aılyq jalaqy 220 myń teńge. Al ekskavatorlar jospardy oryndaǵanda 320 myń teńgege deıin alady. Eń bastysy, aılyq jalaqy eshqandaı keshikpeıdi, ýakytynda beriledi. Jumysshylar barlyq áleýmettik paketke ıe bolady», dedi Sokolov-Sarybaı ken óndirý birlestigi Kásipodaq komıtetiniń tóraıymy Tatıana Sherstobıtova.
Budan soń, Gúlshara Ábdiqalyqova jumysshylarǵa eńbekte sáttilik tiledi.