Shekarashylar «Mersedes» avtokóligimen Reseıge ketip bara jatqan adamnan esirtki tapty. Onyń esirtki zatyn qoldanǵandyǵy anyqtaldy. Bul týraly ShQ baspasóz qyzmeti habarlady.
Pavlodar shekara otrıadynyń «Úrlitobe avto» bólimshesinde shekarashylar esirtki izdeýge arnaıy úıretilgen qyzmettik ıttiń kómegimen, jekemenshik avtokóligimen Reseıge ketip bara jatqan 1974 jylǵy qazaqstandyqty ustady.
Jeke tekserý barysynda onyń tósqaltasynan oraýly «gashısh» esirtkisi tabylyp, keıinnen Pavlodar qalasynyń narkologııalyq dıspanseri ustalǵan azamattyń kannabıoıd esirtkisin qoldanǵandyǵyn rastady.