Qazaqstannyń Tuńǵysh Prezıdenti – Elbasy Halyqaralyq Túrki akademııasynyń prezıdenti Darhan Qydyrálini qabyldady. Bul týraly Qazaqstannyń Tuńǵysh Prezıdenti – Elbasynyń baspasóz qyzmeti habarlady.
Kezdesý barysynda D.Qydyráli Halyqaralyq Túrki akademııasynyń qazirgi jumysy men aldaǵy josparymen bólisti.
Sondaı-aq Túrkitildes memleketter yntymaqtastyq keńesinde tapsyrylǵan mindetterdiń oryndalý barysyn aıtyp berdi.
Halyqaralyq Túrki akademııasynyń prezıdenti D.Qydyráli óz sózinde Nursultan Nazarbaevqa «Rýhanı jańǵyrý» jáne «Uly dalanyń jeti qyry» baǵdarlamalyq maqalalarynda kórsetilgen baǵyttardyń oryndalýy barysyn da jetkizdi.
Sondaı-aq D.Qydyráli Elbasyǵa Táýelsiz Qazaqstannyń damýy men Túrki áleminiń tarıhyna arnalǵan birqatar kitapty tanystyrdy.