Lıssabondaǵy Forým aıasynda Nur-Sultan qalasynyń ákimi Baqyt Sultanov pen UNWTO-nyńBas hatshysy Zýrab Pololıkashvılı «Aqyldy qalalar, aqyldy baǵyttar» taqyrybynda UNWTO-nyńqalalyq týrızm boıynsha 8-shi Jahandyq sammıtin ótkizý jónindegi kelisimge qol qoıdy.
Sammıtte, sondaı-aq Kongresster men konferensııalardyń halyqaralyq qaýymdastyǵynyń (ICCA) uıymdastyrýymen Iskerlik týrızm ındýstrııasy (MICE) boıynsha sheberlik synyby ótkiziletin bolady.
UNWTO-nyńJahandyq sammıtin ótkizý – qalany Ortalyq Azııanyń jańa týrızm ortalyǵy retinde pash etý, qalany damytýdaǵy jańa baǵyttardy kórsetý, iri halyqaralyq qaýymdastyqtar jáne kompanııalarmen yntymaqtastyqty nyǵaıtýdyń zor múmkindigi.
Nátıjesinde qonaq úıler klıentteriniń sany, kádesyı ónimderine degen suranys, dámhana men meıramhanalarǵa kelýshilerdiń sany artady dep kútilýde. Osylaısha, forýmdy ótkizý halyqaralyq iskerlik jáne oqıǵaly is-sharalardy kóbirek uıymdastyrýǵa, týrıster aǵynyn arttyrýǵa múmkindik beredi.
Budan basqa, Jahandyq sammıt Nur-Sultanǵa týrızm salasyndaǵy jetekshi sarapshylardy tartyp, barlyq sektorlardyń memlekettik jáne jeke seriktesterin biriktiredi, ári qalalyq týrızmdi damytýdyń jańa paradıgmasynda negizgi ról atqarady. Onda týrızm áleýmettik jumylý men mádenıetti saqtaý quralyna aınalyp, ekonomıkany damytýǵa septigin tıgizedi.
Sammıtti uıymdastyrý men ótkizýge jumsalatyn qarajat qabyldaýshy qalanyń az kólemdegi shyǵyndaryn eseptemegende, sammıt bastamashysynyń quzyrynda.
Lıssabonda ótken UNWTO-ǵa múshe elder qalalarynyń basshylary men týrızm mınıstrleriniń forýmynda Baqyt Sultanov óziniń alǵy sózinde Nur-Sultan qalasy halyqaralyq deńgeıdegi is-sharalardy ótkizýge arnalǵan barlyq qajetti ınfraqurylymǵa ıe ekenin atap ótti.
«Seýl, Kýala-Lýmpýr, Barselona, Máskeý, Ystambul syndy tamasha qalalardan osyndaı mańyzdy sammıttiń estafetasyn qabyldaý jáne Nur-Sultan qalasynda osyndaı aıtýly is-sharany uıymdastyrý biz úshin úlken qurmet.
О́tken jyly elordamyzdyń 20 jyldyǵy atalyp ótti. Qala halqy 3 esege ósip, elordamyz 100-ge jýyq ult ókilderiniń ortaq shańyraǵyna aınaldy. Nur-Sultan – IýNESKO-nyń «Álem qalasy» syılyǵynyń ıegeri. Osynyń barlyǵy QR Tuńǵysh Prezıdenti – Nursultan Ábishuly Nazarbaevtyń jan-jaqty qoldaýynyń arqasynda múmkin boldy. Nursultan Nazarbaevtyń Qazaqstan men bizdiń qalamyzdyń damýyna qosqan orasan zor eńbegi eskerile kele, elimizdiń elordasy onyń esimimen atalyp, Nur-Sultan qalasy bolyp ózgertildi», – dedi Sultanov.
«Nur-Sultan – búgingi tańda álemniń eń jas jáne qarqyndy damyp kele jatqan astanalarynyń biri. Ol óziniń qaıtalanbas sáýleti jáne biregeıligimen, zamanaýı ınfraqurylymy bar nysandarymen Ortalyq Azııanyń iskerlik ári oqıǵaly habyna aınaldy», – degen Baqyt Sultanov astananyń qonaq úı qorynyń 20 jyl ishinde 80 esege artqandyǵyn tilge tıek etti.
«Eger 20 jyl buryn 3 qonaq úı bolsa, qazir olardyń sany 231-ge jetti. Onyń ishinde tanymal, álemdik jelilerdiń de nysandary bar», – dedi ákim.
О́z kezeginde UNWTO-nyńBas hatshysy Zýrab Pololıkashvılı týrızmniń qala bolashaǵynyń ajyramas bóligi ekendigin aıtty.
«Qazir de, bolashaqta da qala týrızmi óz mańyzdylyǵyn joımaıdy. Týrızmdi qalalardyń turaqty bolashaǵynyń ajyramas bóligi retinde qalyptastyrý maqsatynda úlken múmkindikter usyna otyryp, Qalalyq týrızm boıynsha UNWTO-nyń VIII jahandyq sammıtiniń Nur-Sultan qalasynda ótetindigine qýanyshty ekenimizdi aıtqym keledi», – dedi UNWTO-nyńBas hatshysy Zýrab Pololıkashvılı.
Forým aıasynda turaqty qalalyq týrızm boıynsha Lıssabon deklarasııasy qabyldandy.
UNWTO – dúnıejúzilik týrıstik uıym, BUU júıesiniń mekemesi. Onyń quramyna 158 el, 6 qaýymdastyrylǵan jáne 500-den astam affılıırlengen múshe engen. Uıym qyzmetiniń negizgi maqsaty – týrızm salasynyń jalpyǵa qoljetimdi jáne turaqty damýyn qamtamasyz etý. Shtab-páteri Ispanııanyń Madrıd qalasynda ornalasqan.